قصة استمتعت بقراتها بعنوان ** قولي احبك **

••.•´¯`•.•• (قــــــــــــولي أحبك) ••.•´¯`•.••


بصراحه اعجبتني قصه وتحمست معااا كثييير
وحبيت أنقلهاا لكم وتراهاا عدة (حلقات)
أتمنى انها تعجبكم ..

أستلمووو

تقول القصة : ديما



••.•´¯`•.•• (قــــــولي أحبك) ••.•´¯`•.••



والتي ستكون بضع حلقات
تحكي لكـم قصة ديما وبنــــــــدر
حـــــــب لن يتكرر.. و وفـــــاء يندر..
حيــــاة حقيقة مزجتها مع خيال حالم ..أمله أن تحوز على إعجابكم..




`•.¸¸.•´´¯`••._.• (الحـــــــــــــلقة الأولـــــــى ) `•.¸¸.•´´¯`••._.•




سيكتب دمعي حروف قلبي ..سيكتب لكم حلمي وقصة حبي..
كان عمري 16سنه
بــداية الأجازة الصيفية وناجحة بممتاز ولحد قدي
كنــــا على وجبة الغذاء .. وأبوي مبسوط كل عياله ناجحين .

قلت: يبه ترى الهدية حقتي ما نسيتها .


(تبسم أبوي)وقال : أبشري وش تبيـــــــن؟


قلت:أنتــــــــرنت >>> أنا عاد أسمع بالأنترنت من قريباتي وصديقاتي وابغى مثلهم

ضحك اخوي نايف بقوه.. ههههههههه اسمه كمبيوتر يالعربجيه مو انترنت

(ناظرتني أمي وقالت: هذا الناقص بعد ؟؟ لالا تفكرين فيه بس)










انقهرت مره وقلت بصوت عالي ليييييييييييه؟؟ وش ناقصني أنا؟ولأنترنت وووش فيه!!ولاتنسين تراي ناجحة وممتاز والمثالية على فصلي وبعدين أنا طلبته من ابوي-------<<< يعني مو منك









قال أبوي : خلاص يا بنت أبوها أبشري اليوم أوديك وأشتري اللي تبينه






واااااااااااااااااو طرت من الفرحة الأرض مو شايلتني وعلى طول رحت أخبر أختي اللي أصغر منــــي
واصاااااااااارخ
_ رغووووووووووووووووده رغووووده قولي لي مبروك



_ هي : على إيش؟



_ اليوم بيشتري لي أبوي كمبيوتر..





أختي أكثر وحده فرحت لي (يلوموني فيها ) والله أنها مثل الدم اللي يجري بعروقي ما قدر أعيش بدونها..

================================

مسكت التلفون أبتصل على بنت عمتي

طوووووط .............. طووط طوط


-ياااربيه ما حد يرد
وشوي وأسمع ولد عمتي يرد


_ آلو



_قلت: السلام عليكم



_ وعليكم السلام ..هلا مين معاي؟



( أستحيت وحمررر وجهي ما ودي أقول أسمي)



_ قال : آآآلــــــــــــو

_ ممكن أفراح ؟



_ طيب من أنتي >>> يـــا ربيه ملقوووف

_ ديمـــا



_أهاآآآآ طيب لحظة شوي >>> أخيــــــــراً


كلمت أفراح وعلمتها أني نجحت وبشتري كمبيوتر , أنبسطت هي وباركت لي


وقالت خليني أجهز أغراضي بأجي أنام عندكم ,مادام بتشترين كمبيوتر
عشان أعلمك عليه يالله باي.


أفراح بنت عمتي وأقرب صديقاتي لي قلباً وعقلاً , وهي مستشارتي الخاصة في جميع أموري ,رغم أنها أكبر مني بسنتين إلا أننا متفقين في كل
شي
نسافر..نمرض ..نحزن .. نفرح ..سوا
وهي الوحيدة اللي من قريباتي عندها أنترنت
وكنا إذا زرناهم على طول على غرفتها على الكمبيوتر.


لبست عباتي وانتظرها جت هي وحسام أخوها.



قالت: يا الله (ديوما) -----<<اسم الدلع حقي
أركبي معانا بنروح مع حسام لانه دلوله وخبره مشاء الله عليه


_ (أنحرجت مررره )قلت: هـــــــــــيـــــــــه أنتي ما معي فلوس وأبوي اللي بيودينا صرفي أخوك.
وانا باشتري احسن واسرع جهازمانحتاج لخبرته..



عاد هي مايحتاج صرفته وجت تسلم على أبوي_



هلا خالي كيفك؟ يالله قم خل نروح نشتري الجهاز>>> مطفوووقه وعجله (ياحبيلها وطفاقتها)

المهم

في نفس اليوم شرينا الطاولة والكرسي والجهاز وبطاقة الأنترنت
ركبتهن بنت عمتي وضبطت كل شي وبدت تدرسني وتعلمني أنا ورغد.


وتعيد وتزيد .. طبعاً تخيلوا وحده ماعندها جهاز يعني تتعلم من الألف إلى الياء من بدء التشغيل إلى الإغـــــلاق ومعاي ورقة وقلم أكتب كل شي
تقوله ------->>
اللي يشوفني بيقول شغاله جاية للسعودية وتتعلم عربي هاهاها

بيني وبينكم شي افهمه وشي أعدية ومو فاهمته..

كانت أختي رغد تركز وأذكى مني بالنت بس

أفراح نامت عندنا يومين وراحت لبيتهم هي وأختي رغد



وقالت
يالله ديوما....نلتقي الساعة12 بشات الشلة OK


>> -------توهقت أنا ... راحت هي ورغد ..

وقبل ما تروح فككت الجهاز والأسلاك



وقالت:ركبيه وادخلي


ركبت الجهاز وجيت أبشغله ما شتغل

وش فيه جهاااااااازي؟

اتصلت على أخوي نايف وقلت : جهازي أحترق


أنهبل أخوي يومين وأحترق ويتصل على حسام ويقوله

جاء نايف وحسام
سألني حسام


_ أنت وش سويتي ؟؟


_قلت ركبته وشغلته وما أشتغل


شوي ويطلون من الغرفـــــــة يضحكوووووون


_قلت: وش فيه؟(أنا على أعصابي وهم يضحكون)

_قال حسام أنتي ما فتحتي الشاشة..



_ طاااااااااح وجهي من جد.... أحسبه أحترق


جت الساعة 12 شغلت الجهاز وأنا متخوفة
وأتصلت بالأنترنت ودخلت الشات بأسم (ريـــم)

ولقيتهم موجودين بنت عمتي وصديقاتها
رحبوا فيني وهلوا

جتني رسالة صفراء
ما كنت ادري أنها خاصة وكنت أرد بالعام








(¯`•._) (kingofnaigh) (¯`•._) السلااام عليكم



¨°o.O (ريـــم) O.o°" وعليكم السلااام


(¯`•._) (kingofnaigh) (¯`•._) وش اخبارك؟


¨°o.O (ريـــم) O.o°" بخير الحمدلله


(¯`•._)kingofnaigh) (¯`•._) ردي خاص


¨°o.O (ريـــم) O.o°" كيف أردي خاص .. مافهمت؟


(¯`•._)kingofnaighT) (¯`•._) أضغطي رسالتي ويصير خاص


¨°o.O (ريـــم) O.o°" هيييييه انت وش تقووول


--^[ (سعابيل نحله) ]^-- ->>أفراح ( عندك رسالة صفراء يا غبية لا تعطينه وجه


(¯`•._) (kingofnaighT) (¯`•._) فهمتي عمري؟


¨°o.O (ريـــم) O.o°"(سكت مارديت عليه)


(¯`•._) (kingofnaighT) (¯`•._) ريم اضغطي الأصفر وتردين



عرفت وضغطت وقعدت أتكلم وياه ونسولف أرسلت لي أفراح خاص


--^[ (سعابيل نحله) ]^-- هييييييه ليه ماتردين بالعام


¨°o.O (ريـــم) O.o°" مارديت عليها >>> جحدتها


ســألني عن أسمي وعمري وووو ومن هالأسئله اللي تعرفونها

قربت الساعة 1 قلت



¨°o.O (ريـــم) O.o°" أنا طالعة





(¯`•._) (kingofnaighT) (¯`•._) قال طيب هذا أيميلي أضيفيني


¨°o.O (ريـــم) O.o°" وش إيميل؟؟؟؟؟



(¯`•._) (kingofnaighT) (¯`•._) أضيفيني بالماسنجر أو عطيني ايميلك وأضيفك


¨°o.O (ريـــم) O.o°" >> توهقت . (لا ماأقدر يالله باي



طلعت ورحت نمت وجاء بكرى ودخلت بنفس الوقت عشان أشوف أفراح ولقيت
اللي اسمه kingofnaight ]

kingofnaight) (¯`•._) ريم أسفرت وانورت

¨°o.O (ريـــم) O.o°"مارديت عليه


(¯`•._) (kingofnaight) (¯`•._) هلا ريم..


¨°o.O (ريـــم) O.o°" هلا فيك


(¯`•._) (kingofnaight) (¯`•._) أشتقت لك ياحبيبتي


¨°o.O (ريـــم) O.o°" حبيبتي؟؟؟؟؟ من متى المعرفة


(¯`•._) (kingofnaight) (¯`•._) ههههههههه قصدي صديقتي


¨°o.O (ريـــم) O.o°" صديقتك!!!!!! لا ياشيخ ..يا اخي ضف وجهك


(¯`•._) (kingofnaight) (¯`•._) أفاااااا ريم بدينا بالغلط


¨°o.O (ريـــم) O.o°" أنت البادي وش حبيبتك؟؟ وش صديقتك؟؟


(¯`•._) (kingofnaight) (¯`•._) أنا آسف .. خلاص سامحيني .. شخبارك ريم؟
¨°o.O (ريـــم) O.o°" إيه كذا.. الحمدلله بخيــــــر
(¯`•._) (kingofnaight ) (¯`•._) إلا ريم ماقلتي لي أنتي بأي سنه؟


¨°o.O (ريـــم) O.o°" أول ثانوي طالعه لثاني ثانوي


(¯`•._)kingofnaigh) (¯`•._) ياااااالله صغيرونه


¨°o.O (ريـــم) O.o°" صغيرونه بعمري كبيره بعقلي


(¯`•._) (kingofnaigh) (¯`•._) موقصدي ياحياتي


¨°o.O (ريـــم) O.o°" لو سمحت تكلم معاي بأدب
(¯`•._) (kingofnaight ) (¯`•._) وش فيك ياريم قلت شي غلط


¨°o.O (ريـــم) O.o°" خلااص خلاص أنا طالعه


(¯`•._)kingofnaigh) (¯`•._) وش فيك؟ زعلتي ريما!! هالكلام يطلع مني بدون ما أقصد

¨°o.O (ريـــم) O.o°"طيب مره ثانية أنتبه قبل ما تتكلم


(¯`•._) (kingofnaigh) (¯`•._) طيب نغير الموضوع أنتٍ علمي أو أدبي


¨°o.O (ريـــم) O.o°" علمي


(¯`•._)kingofnaigh) (¯`•._) الله يوفقك يارب طيب شوفي أبودي أمي مشوار وهذا إيميلي أنتظر إضافتك .بااااااااي


¨°o.O (ريـــم) O.o°" (ووووووين هالرجال مب صاحي وأنا أي رجال هب ودب أضيفه )




طلعت من الشات قعدت أفكر أضيفه وأو ماأضيفه:

8
8


يتبــــــــــــــع

اذا شفت انه احد يقرا ويتابع القصة باكملها اما اذا ما في احد ما باكملها

••.•´¯`•.•• الحلقة الثانية ••.•´¯`•.••



طلعت من الشات قعدت أفكر أضيفه أو ماأضيفه

أممم يا لله نضيفه خلنا نملي الماسنجر
بس وش لون أضيفهماأعرف
ما فيه إلا أفراح والله أبلشتها

اتصلت عليها وكانت مشغوله مرررره وبيسافرون_

فقالت: شوفي ديوما أنا كلمت أحمد عنك



_أحمد !!!! وش أحمد؟


_هذا واحد طيب وحبوب أطيب ولد أعرفه وخبير بالنت مررره وقلت له عنك وهو بيضيفك بس أنتٍ تحطين موافق إذا جاك مربع رصاصي وأي شي تبينه أو ودك تعرفينه اطلبي منه
يا لله ديما بااااااااي



(أضافني أحمد وقبلت إضافته )
وسألته عن طريقة الإضافة و الـ .. والـ.. ..و و
وكان مثل ما قالت أفراح .. طيب وحبوب ويفهمني ويتحمل كل أسئلتي الغبية


في يوم قال لي أحمد



_ديما


_هلا


_ بقولك نصيحة أخو لأخته الصغيرة انتبهي لنفسك من شباب النت حتى مني. تراهم كذابين وكل كـــلامهم كذب لا يغرك كلام الحب والرومانسية والكلام اللي يقوله لك يقوله لمليون بنت غيرك فهمتي ديما ..وش قصدي.
_أييييييه لا توصي حريص




أضفت خالد (ترى إضافتي له كانت تعبئة فراغ >==الماسنجر ما فيه أحد) خخخخخخ والله نفذت نصيحتك ياأحمد





شفت خالد متصل
وقام يسولف عن أهله ومدح و مدح وأنه حركة وبنات عماته وخالاته متقطعين عليه ويتلصقون فيه ويسببون له مضايقات >>> أنا طاااااالعه

أمي تبيني




)ياااااااربيه طفشني ها لولد ياكثر بربرته سبحان الله فرق بينه وبين أحمد
هذاك تعجبني سواليفه وهذا لو يسكت أحسن له)



في الإجــازة كنت فاضيه مره وكنت دايم على النت خاصةُ بعد سفر أفراح
اللي أستمر شهر
قربتني ها لفترة بأحمد وخالد كثيييييير وخاصة خالد




خــــــــ(أحبك ريم)ــــــالد

ريما أبقولك شيء


أنت أول حب وأنت الأخيـــر

؟؟؟!! وش عسى خير



خــــــــ(أحبك ريم)ــــــالد

أنا مو اسمي خالد


أنت أول حب وأنت الأخيـــر

!!!!!!!!!!

أنت أول حب وأنت الأخيـــر

أجل وش اسمك؟



خــــــــ(أحبك ريم)ــــــالد

بندر



أنت أول حب وأنت الأخيـــر

بندر


خــــــــ(أحبك ريم)ــــــالد

ايه


أنت أول حب وأنت الأخيـــر
أنا طالعه



طلعت من النت (مو أسمه خالد ولد ويكذب في اسمه لو بنت ممكن أعذره
لكن ولد؟؟ ولد؟؟)




لا بالعكس هو حبوب ليه أظلمه لو ما يحبني كان ما قال لي عن أسمه

وبعدين وش يهمني اسمه خالد أو بندر هذي أنا كاذبة عليه وقايله أن اسمي ريم اووووف بكيفه

بعد فتره قلت لأفراح عن سالفة اسمه قامت تضحك ههههههههههههه




ـ أفراح وش فيك تضحكين


ـ يحليله ولد ويكذب في اسمه وش خلى للبنات هههههههه أجل ما شفتي شي



ـ أفراح حرااااام عليك والله حبوب وقلبه طيب و إلا ما قال لي اسمه



ـ الظاهر أنتٍ ما تقرين كتب ولا تسمعين حبيبتي أرجعي وشوفي وش قال لك أحمد



ـ أيه كل شيء قاله أحمد صح وصادق بس ما ينطبق على بندر لأنه صادق في كل شيء


ـ أيه صادق في كل شي والدليل كاذب عليك بأسمه أقول ديوما ليكون حبيتيه



ـ لا لا بس حبوب واعزه



ـ أيه تعزينه يعني تحبينه


ـ لا أفراح عادي ما أحبه



ـ أيه بس انبهك ما فيه شيء اسمه حب كلهم يكذبون وهذا أحمد قالها وشهد شاهد من أهلها



ـ لا توصين حريييييص



( والله بندر حبوب وقلبه طيب ليه أفراح كذا عليه ليه تقول أنه يكذب علي
وأنه ما يحبني.. وأنا أعرفه زين وأكثر من أفراح هو ما يصدق يشوفني متصلة يجن جنونه لو أفراح تعرفه كان هي بعد حبته)



ما أخفي عليكم هالأيام بدء حبه يتسلل في قلبي.. ويشغل تفكيري
دايم أسرح فيه وفي سواليفه ..أشتاق له مووووت وأتمنى أشوفه متصل..
أنتظر متى يجي الليل عشان يكون موجود أقعد معه أربع وخمس ساعات على النت وما أحس فيها
أتمنى الوقت يطول ويــاه ..دايم أنا وياه نتساءل ليه الساعات تمر وحنا مع بعض سريعة
وإذا تفارقنا بطيئة.


==================


جت الدراسة وبدت الحالة النفسية تسوء أكثر وأكثر تعرفون قانون الدراسة والطفش ما يحتاج أفصل
وصرت ما أدخل النت إلا أربعاء والخميس والجمعه مذاكرة


يوم الإربعاء أحلى أيام عمري لأني ألتقي بعمري وروحي وحيااااتي

كل صديقاتي إذا جاء يوم الإربعاء يباركون لي ويرددون



ديما وبندر للإربعـاء مشتاقين
كلهم لبعض ولهانين
والليله على النت سهرانين
هذي حيااااة المجانين



واجي انا وأطقهم : وجع أنتم المجانين مو أنا وقلبي





وعلى طول من المدرسة على الجهاز اليوم الأربعاء(لا تلوموني أسبوع ما شفته آآآآآآآه ياقلبي يا انا ولهاااان علييييييه)
دخلت ما لقيته!!!!!
جت الساعة 9 بالليل وأنا ادخل وأطلع ولا لقيته متصل
يااااااارب الله يستر مو عادته
لما جت الساعة 12 دخلت
و..
8
8
8
يتبع

••.•´¯`•.•• (الحلقة الرابعــــــــــــــــه) ••.•´¯`•.••



(ولهاااااااان وقلبي يمووووت كل لحظة ينتظر)ريـــم(اسماء الماسنجر)
طيب جااااااااوبني !!!
لأني دقيت عليك اليوم....يـــا محمد ؟؟!!


لو تجمع حب العالم واحساس وشوق العالم ماتساوي ياعمري غلاك) مــحــمــد(اسماء الماسنجر)

ياااااااااااااااالله ياحياتي,, نسيت أقولك, معليش والله معليش سااااامحيني
جوالي هالفتر ة مع ولد خالتي..




(ولهاااااااان وقلبي يمووووت كل لحظة ينتظر)

**سكت و مارديت


(لو تجمع حب العالم واحساس وشوق العالم ماتساوي ياعمري غلاك)
وووووووو ينك ياقلبي!! ليه ساكته..؟

(ولهاااااااان وقلبي يمووووت كل لحظة ينتظر)

افكر,,ماعمري سمعت أحد يعطي ولد خالته جواله ويقعد هو بدون شئ؟؟


(لو تجمع حب العالم واحساس وشوق العالم ماتساوي ياعمري غلاك)

هههههههههه ياحياتي.. انا صحيح ماأستغي عن جوالي . بس جواله مقطوع و هو محتاج للجوال مره وعاد جوالي مايغلى عليه لانه ولد خالتي واعز اصدقائي واقرب واحد لقلبي..


(ولهااااااااان وقلبي يموووووت كل لحظة ينتظر)
أها...عشان كذا
طيب معليش احرجتك معاه..آآآآآآآسفه ياعمري.




(لو تجمع حب العالم واحساس وشوق العالم ماتساوي ياعمري غلاك)
لاااااااااااا تقولين كذا..بالعكس انا مو محرج ولا شئ
أنا منقهر ..أأأأأأأأأأأخ يالقهر..فاتني صوتك .واللي يقهر اكثر انه سمعك وانا اللي احبك واموت فيك ماسمعت صوتك



(لو تجمع حب العالم واحساس وشوق العالم ماتساوي ياعمري غلاك)

بس اكيييييييييد حبيبتي بتعوووضني بإتصال ثاني..صح ريم صح ياقلبي؟؟

(ولهااااااان وقلبي يموووووت كل لحظه ينتظر)

مادري .. باشوف أذا قدرت وحصلت لي فرصه.. بس في بالي سؤال من أغلى انا أو ولد خالتك؟؟


(لو تجمع حب العالم واحساس وشوق العالم ماتساوي ياعمري غلاك)
هههههههههههه ... كلكم غالين علي ..انتي حبيبتي وعزيزتي وهو حبيبي وعزيزي




** انقهرررررررت مره مره منه .... مالت عليه يقارني بولد خالته
وووووسكت مارديت عليه




(لو تجمع حب العالم واحساس وشوق العالم ماتساوي ياعمري غلاك)
وووووووووينك ريم اشفيكي ساكته معاكي احد بالماسنجر ومشغوله معاه؟؟
تراااا اموووووت من القهر
ابغاكي لي بس بس..




(ولهاااااان وقلبي يمووووت كل لحظة ينتظر)

لا ياعيوني مامعاي الا انت بس..

وانا ابغاك لي بس انا مابي ولد خالتك يكون بقلبك معاي

"""احب المركز الأول بقلبك وارفض الثاني"""

(لو تجمع حب العالم واحساس وشوق العالم ماتساوي ياعمري غلاك)
ياحبيبتي... انتي الاولى والوحيدة بقلبي
ولد خالتي اعزه واغليه.. لكن انتي لك الحب والغلا والمعزه والروح والحياة .. انتي دنياي
أنتي قلب بندر وحياته وروحه وعمره
انتي حــــــــــبــــــــيـــبـــــتــــــــي




*** يالللله ياززززززززين ذا الكلام
وااااااااااو جنني



(لو تجمع حب العالم واحساس وشوق العالم ماتساوي ياعمري غلاك)
ريم ياعمري لاتزعلي مني
عشان قلت ولد خالتي اعزه ترا اعزك والله اكثر منه.
وانتي مره قلتي لي ان بنت عمتك تحبيها وتغليها وتعزيها لانها اقر ب وحده لك وصديقتك ومع ذلك مازعلت منك, بالعكس صرت احبها لان حبيبتي تحبها واغليها لان حبيبتي تغليها
فهمتي اللي ابغا اقوله ياحياتي...؟


***انا في وادي وهو في وادي...هاهاها سرحاااااااااانه في كلامه
بيني وبينكم اعجبني موووت ..يالله ماعمري سمعت ذا الكلام اللي يطير العقل
ياززززززينه وهو يقول انتي قلب بندر وحياته..طالعه من لسانه مثل العسل
اعجبتني مره مره واتخيله وهو يقولها لي يآآآآآآآآآآه

والله هبل فيني هالبندر..ملك عقلي وقلبي
خلا ني مو احبه بس إلا امووووووووووت فيه اكثر واكثر


(ولهااااااان وقلبي يمووووت كل لحظ ينتظر)

فهمتك ياعيوني فهمت.


*** طلعت من الماسينجر

واتصلت على( افراح) وعلمتها بالتفصيل عن كل شئ..

قالت لي عاد انتبهي يحوس راسك بهالكلام الزين وتصدقينه وتتصلين مره ثانيه
تراهالكلام قايله لمليون بنت مثلك
مايحتاج اوصيك من الذئاب البشريه انتي ادرى مني بهم
وتعرفين القصص والبلاوي اللي نسمعها وبدايتها انها كلمته وحبته لانه يقولها كلام معسول وووووو

ضحكت انا وقلت لاتوصيني





** رحت لسريري بأنام ..ماجاني نوم يالله احاول انام اتقلب يمين شمال
لالالالالا مافيني نوم
ياربيه شسوي؟؟
ذبحني التفكير..يالله بندر صادق في حبه لي أو لا؟؟
يحبني من قلبه او يتسلى !!
لا لالالا اكيد انه ينصب ويكذب مثل الشباب
بس احس انه صادق واحس انه يحبني ويموت فيني ويغليني ومايحب يزعلني...
ويكفي انه انقهر لان ولد خالته سمع صوتي وهو ماسمعه
حتى انا والله اني انقهرت كان ودي اسمع صوووووووووته بس يالله مافيه أمل لان افراح ماراح تسمح لي اخذ جوالها واتصل عليه

وانا ماعندي جوال ولا فيه امل اشتري الا اذا دخلت الجامعه.

وعلى هالموال من التفكير في بندر وفي صوته وفي شكله
الييييييييين دخت ونمت ومادريت الا امي تصحيني اصلي الفجر


صليت وتوضيت ولبست مريولي ورحت للمدرسه انا ورغد



وانا اسولف مع صديقاتي واعلمهم ان اللي اسمه محمد صار ولد خالته وانه انقهر لانه ماسمع صوتي
وانا انقهرت اكثربعد
واني مافيه امل اسمع صوته لان( افراح) اكيد بترفض تخليني اكلمه من جوالها
وماعندي وسيله الا جوال افراح لانه مو باسمها
ولو صار شئ بيني وبين بندر مايقدر يضرها ولا يجيب أي شئ عنها لانه باسم مصريه وهالمصريه لها كم شهر مسافره.



قالت لي( مي)
ولااااااااااااااااايهمك كلميه من جوالي
الجوال وصاحبته فداكِ يا ديما
بكره بأجيب جوالي
وكلميه ان بغيتي بالمدرسة او باللبيت احسن عشان مانتورط مع الادارة والاستاذات لو صار فيه تفتيش


قلت له لالالا
صعبه وين تجيبن معاك الجوال
مجنونه انتي والله ان يكتبونك تعهد ويفصلونك بعد


قالت : ههههههههههههههههههه على كيف امهم يفصلوني
انا باجيبه ان بغيتي كلميه وان مابغيتي لا تكلمينه براحتك..

قلت لها: انا بصراحة ودي اسمع صوته بس مابغا اكلمة اخااااااااف مره مره
واحس اني بأرتبك وبالخبط الدنيا

قالت سلمي عليه وقولي كيف الحال ايش اخبارك؟
واسكتي
اذا جاوب
قولي يالله مع السلامه. وووووبس انتهت القضيه


قلت خلااااص جيبيه وباكلمة بس بالبيت






*** رحت للبيت ومانمت الظهر بس افكر..المغرب رحت لغرفة ( رغد) بأخبرها ان( مي ) بتجيب جوالها وبتخليني اكلم بندورتي

انهبلت طار عقلها

وش تقولين ؟؟؟(ديـمـــا) أنتي صاحية؟؟!! تتكلمين جد
واذا شافت امي الجوال وش بتقول؟؟
والله ان تتطربق الدنيا فوق روسنا
ترا بتكلمين ولد مو بنت مو صديقتك ؟؟!! تفهمين كلامي
صحصحي ياديما!!!!


""""""""
صرخت بوجهها خلاص اص.... طفشتيني انتي وخوفك.. هي وش بيعرفها ؟؟! ومن بيعلمها؟؟
يعني انا مجنونه باكلمه عندها!!
باكلمه بغرفتي وباسكر الباب وباقفله وماراح تدري



كشرت ( رغد) بوجهي.
خلااااااااص بكيفك سووي اللي تبغين
مالي شغل فيك انتي اكبر مني واعرف مني
انا مالي دخل بك ..
اوكي؟؟!

يالله ضفي وجهك عني واطلعي من غرفتي غير مطروده


قلت لها:
طيب مالت عليك وعلى غرفتك .

رحت لغرفتي ويااااااااااالله بداني التفكير
اكلمه او لا؟
ياربيه مادري شسوي
محتاره
اكلم ( افراح) واخذ رايها؟؟


لالالا اكيد بتعيي. عاد هي خوااااااافه مره
وشلون لو قلت لها ان صديقتي بتجيب الجوال للمدرسه وباخذه للبيت
بتهاوشني وبتمنعني


خلاااااااااااااص هذا قراري النهائي

باكلمه شوي بس مو مطوله معاه""""""""""""

رحت للمدرسة واخذت الجوال من مي والرمز الشخصي وقفلته
مافتحته الا لما سكرت باب الغرفه بقفلتين
وشغلت شريط خالد عبدالرحمن وكان هالشريط لسا جديد




مسكت الجوال واخذت ادق الرقم الاول ويدي ترتجف
ادق الرقم الثاني وجسمي كله يرتجف
ادق الرقم الثالث قلبي بيوقف من شدة الرجف
ااااااااااااااه


خلاااااااص مابي اكلمه
احس باموت من الخوف
تركت الجوال وقفلته خلاااااااااااص مانيب مكلمته
ماقدر ماقدر
اعصابي مشدودة مره مره ومتوتره وخايفه وقلقانه

طلعت من غرفتي باغير جو وبانسى هالسالفه
وباشرب لي عصير يبعد هالتوتر عني
شفت رغد بالمطبخ فاتحه الثلاجه وتتامل


قلت لها تعالي بغرفتي ابغاك


جت رغوده وقلت لها اني خايفه ومتوتره


قالت رغم انك ماتستاهلين من يوقف معاك بس يالله انا باسهل عليك هالمهمه وباتصل ومنها اسمع صوته ذا الخبل القرقار__( رغد ماتحبه ابد ابد وتحس انه بالع في بطنه راديوا من كثر كلامه معاي بالماسينجر )
وبعد نقااااااااااش طويل
قررت ان رغد تتصل وانا اسمع صوته بالسماعه الثانيه(( قبل مايصير فيه سبيكرات بالاجهزه))

أخذت (رغوده) رقمه ودقت عليه
والجوال يدق يدق
ومع كل دقه كان قلبي يدق بقوه ويرجف
فجأه وقف الدق ومعها كان قلبي بيوقف
سمعت
ألووو......................(

قلبي, قلبي بيوقف هذا بندر هذا عمري يقول الوووو ياااااااربي

قالت ( رغد) السلام عليكم.


قال وعليكم السلام


قالت معاي بندر؟


قال ايه معاك بندر..


قالت كيفك؟


قال الحمدلله بخير وبعافية

ميييييييين معاي؟؟



قالت ماعرفتني؟؟


قال لا مين؟


يتبع

قالت أنا ريم===(هييييييييييه انتي خير وش ريم؟؟؟؟)




سمعت صرخته وهو يقول رييييييييييييييييييييييييم ) هلااااااااااااااااااا والله وغلا
حيا الله هالصوت


ضحكت له وقالت الله يحييك ====( انا خلاااااااص باموت من القهر.. ماحب احد يتقلص شخصيتي)


وش اخبارك؟ وش علومك؟

قالت طيبه. وبخير . باقولك حاجه


قال أأأأأمري ياعمري قولي اللي تبينه


آنا مو ريم

سكت هو مارد بسرعه..

قال من اجل؟؟


قالت انا اختها ..بس هي طلبت مني اكلمك اول شئ لانها مرتبكه مره
وامهد لها الوضع واللحين هي بتكلمك


قال يالله يالله هاتيها..


عطتني الجوال وقالت خذي كلميه
((( اناااااااااا دوروني ماتلقوني.. الارض مو شايلتني من الرهبه والخوف..وهالخبله حطتني قدام الامر الواقع ياكلمه ياكلمه يعني مافيه مجال لاي حل اخر لازم اكلمه)))



مسكت الجوال وخلعت السماعه لاني انحست منها وانا ادور السماعه الثانيه , الاسلاك متشابكه ويديني تنتفض وعيوني ماتركز ___ لالالا تلوموني وحدة أول مره تكلم حبيبها.




قلت: الو

قال: هلاااا


قلت اهلين

قال : هلا بعمري, هلا بقلبي, هلا بروحييؤيؤيؤ,, يابن الناس ارحمني انا اضيع مع هالكلمات)//


قلت : هلا بك

كيفك؟ وش مسويه؟


الحمدلله ماشي الحال


واخبار الدارسة؟؟


ماشي الحال


واخبار اهلك واخوانك؟
بعد ماشي الحال ( كل شئ عندي ماشي الحال.. معلقه على هالكلمة هاهاهاها)//
انت كيفك؟
ك

انا الله يسلمك كنت طيب وبخير وبعافيه بس من عرفتك وانا متغير ومختلف وصاير دايم افكر وسرحان وقلبي مريض وروحي عليله. والسبب كله انتي


ضحكت انا ضحكه مصطنعه (انا السبب)!!




قال ايه انتي
والله جننتيني ياريم. تخليني احبك واموت بك وتتركيني.. وتبعدين عني..


قلت بنفسي والله مادري من اللي جنن الثاني بكلامه


وقلت له بصوتي: كيف جننتك!!
ومن قال اني تاركتك أو مبعده عنك؟؟؟============( مادري كيف صرت جريئة واسترسلت بالكلام وقبل شوي كان دمي بيجمد بعروقي من الخوف وانا ادق رقمه بس واللحين اضحك واسولف وانا اسمع صوته!!)======


قال: جننتيني بحبي لك
صرت مجنون فيك بس افكر فيك واحلم فيك واتخيلك دايم معاي ماتعتبرين ان هذا جنون؟


قلت: لا لا.... الجنون انو مايصير لك عقل .


ضحك ضحكة تجنن تجنن تجنن رهيبه موت موت موت


قال ومن قالك ياحياتي انو لي عقل؟؟
انا خلاص عقلي رااااااااح صار كله ريم ريم... بندر عايش بدون عقل
عقله كله مع وفي ولريم
عشان كذه قلت انك جننتيني. فهمتي حبيبتي




====( مادري وش يقول ,, مافهمت شئ,, لان ضحكته جننتني انا)=====




هو تكلم وقال سواليف وقصص ووووو....و...........و.............و...........و.. ..............
ماذكر شئ منها الا كلا مه الحلو اللي يناديني به
وباسمي اللي صار احلى اسم سمعته(( صحيح انه ماكان اسمي ريم وان اسمي الحقيقي ديما الا ان اسم ريم عندي صااااااار احلى اسم بالدنيا لانه يناديني به))

وهو يتكلم
نواف يصارخ تحت ويقول يالله ياديما انتي ورغد تعالوا العشاء

قاطعته وقلت يالله بندر انا طالعه


قال: وين بتروحين؟
قال: وين بتروحين؟
أنا : هاهاهاهاهاها متاثره بالماسنجر

قصدي اقولك اني باسكر السماعه لان اللحين وقت العشاء وانا اسمع صراخ اخوي تحت

قال: يووووووه ياحياتي ماشبعت منك..\\( الظاهر يحسبني كودود او كباب مايشبع مني!!)




قلت معليش يالله مع السلامه


قال الله يسلمك بس حبيبتي لاتحرميني صوتك مت ماحصلت لك فرصه




قلت : طيب

قال: ريـــــمتي
===( ااااااااااااااالله يازين اسم ريم ودلعه
ريمتي)=====

قلت: هلا

قال: ^^^^^^ قولي أحــــــبـــــــــــك^^^^^^^

قلت: اممممم انحرجت مره وجهي حمر وخضر وزرق وكل الوان قوس قزح فيه)==


قال: يالله حبيبتي قوليها.

قلت:
يالله بااااي. وسكرت الخط ومادري هوقال باي او سكرتها قبل مايقولها.










**نزلت اتعشى وانا بالي مومع العشاء ولا مع اهلي ولامع الدنيا كلها
بالي كله معاه
ياكلون ويشربون ,,هم بوادي وانا بوادي..
انا مع بندورتي مع حبيبي مع عمري
مع احلىىىىى صوت سمعته بحياتي
مع اللي جننته واخذت قلبه مثل ماأخذ قلبي
يااااااااالله مازين صوته واسلوبه وكلامه وضحكته
كل شئ فيه حلو

أكلت لي لقمتين على الطاير أسكت فيها امي وابوي
ورحت لغرفتي
وقعدت افكر فيه وفي كلامه لي
افكر في قلبي اللي حبه واختاره من بد البشر




مادريت الا وانا



8
8
8
يتبع

`•.¸¸.•´´¯`••._.• الحـــــــــــــلقة الخــــامسة `•.¸¸.•´´¯`••._.•`





مادريت الا وانا امسك قلمي واقرب ورقه واكتب ذا الكلام


قالت دنيتي ليه ابيه وياي
ذاب قلبي و لقلبه أنا شاري
بحب قلبي و بهواه ....
اخر جمله كتبتها غمضت عيوني معاها وطاح راسي عليها
وجاء باكر وصحيت والورقه تحت خدي
ضحكت على نفسي وعلى شكلي


(هو كذا الحب يعمل في الواحد عمايل.؟؟؟؟)






أخذت الورقة وحطيتها في الدرج حق الكمبيوتر الخاص فيني

ولبست مريولي ورحت لمدرستي


عطيت ( مي ) الجوال وشكرتهاااااااااا

وقلت ماراح أنسى لك هالمعروف أبد والله يقدرني ارده لك..

قالت لي مي :
لا عادي وش أمرتي .. وانتي اخت قبل ماتكوني صديقة غاليه والجوال تحت أمرك..




*** تبووووووون الجد أنا ما ودي أعطيها الجوال .. مشتاقة أسمع صوته لا تستغربون تقولون ماامداها توها سامعته .. من جد مشتاقة اسمع لصووته ولضحكته آآآآآه ياضحكته تعجبني موووت***



مر الوقت بسرعه
وجيت للبيت وأنا بصراحة ماقدر اخبي شيء لأفراح كلمت أفراح
قلت لها

أفراح


قالت: هلا


قلت: عندي موضوع ابي اقوله لك


قالت: خير ان شاء الله قوليه


قلت : لا مايصلح بالتلفووون


قالت: !!! خير انشاء الله روووعتيني


قلت: ابي اشوفك في أقرب وقت


قالت: خلااااص بكره الأربعاء اشوفك عند خواليك قلت: لا الموضوع بيني وبينك مابغا بنات عمتي وبنات عمي يدرون عنه واكيد انهم بيجلسون معانا ولا راح اخذ راحتي




قالت: طيب بكره أول ما اطلع من الجامعه امر عليكم بس والله يصير موضوع سخيف أو إذا جيت وقلتي مشتاقة اشوفك ياويلك
قلت: هذا جزاي يعني..... انتي اعرفي الموضوع واحكمي.




قفلت الخط منها

ومسكت كتبي باحل واجباتي وباذاكر وعلى الساعة 9 جت( رغد) مسررررررررررعه وفتحت الباااااااب
ونااااظرتني وهي تضحك ومبسوطه.






صرخت عليها خيييييييييير أن شاء الله مافيه طق بااب مافيه سلاااااااام ولا كلااام


قااااااامت تضحك قلت: وشفيك تضحكين... داخله وبقوه وانا منسجمه مع المذاكره روعتيني


وهي تضحك واناظرها بقووة خير بلا ملاغه!!!!!!!!! قالت: لا بس جيت ابقولك واذكرك ان نفس الوقت امس كنتي مع القرقار (ههههههههههههههاااااااي)






وطلعت...


هي طلعت وأنا عقلي رااح رااااااح له

لا تقولون ليه ماقالت قلبها لأن قلبي خذه واحتله من زمااااااان

ماتصدقون كيف انا مشتاااقة له ابي ادخل النت قلبي بيتقطع من الشوووووق ..( انتم حاسين فيني؟؟؟)..
لكن وش اسوي مااقدر ادخل بس خلااااااص بكره الإربعاء الله يصبرني






جاء من بكره ورحت للمدرسة ورجعت
وشوي وافراح تدخل علينا ومعها انواع الكتب والمجلدات

استغربت امي!! جيت افراح لنا هالحزه!!!
وانا طبعا اعرف السبب


أمي: أفراح غريبه وش جابك؟؟
أفراح: ليه ماتبوني

امي: لا بالعكس الساعة المباركة بس مو عادتك تجينا الظهر!! واليوم اربعاء و بالليل بنشوفكم

أفراح: اييييييه بس وش أسوي مشتاقه لكم ومليت من البيت واخواني وعندي بحث ومريت مكتبة الملك عبالعزيز اللي جنبكم باخذ مراجع قلت لابوي يحطني عندكم اوسع صدري ..







(أنا في لحظتها مادري شسوي .. اشوى ان ( أفراح) صرفتها...وهي عاد تحب أفراح مره وتحس انها بنت مثاليه وانها ................. الخ
ودايما تقارنا فيه وياليتكم تصيرون زيها وياليتكم.............. ,,,فأي شئ تقوله (افراح) او تسويه هو الصح.



وامي من النوع الشكاك.. والحساس أي تصرف غريب او طاري او مو زي العادة تحس ان وراه بلوى ان فيه مصيبه انه سر وطبعا وبلا شك بتسوي تحقيق وادعاء عام وووووو)



افراح على طول راحت لغرفتي وانا جيت ابطلع وتناديني




امي ديماااااااااااااا تعالي



ياااااارب وش تبي مني؟ ماقلت لكم أن امي مايمر الشيء عليها بسهوله
(( الله يستر منها))

أنا: نعم يمه

أمي: افراح وش جايبها

أنا : مدري بس هي قالت انها مشتاقه لنا انتي معانا يوم تقوله صح!!

أمي: ايه صح بس المشتاق مو يروح للغرفه ويتركنا

أنا الله يبلشس ياافراح والله صادقه امي والله وهقتيني

مادري عنها أسئليها
أمي: أيه طيب خلاااص روحي شوفي وش تبي منك أو أنتي وش تبين منها

أنا :===( يمه وش دراها كأنها داريه)=== ابتسمت ورحت




دخلت على افراح

أفراحوه اللحين مشتاقة لنا وتتركينهم دااريه وش قالت أمي؟ وش قالت؟؟

علمتها..
قالت (أفراح ) طيب بسررررررعه عطيني قميص وبالبسه وانزل وبقول معليش رقيت بسرعه لاني زهقت من ملابسي..
عطيتها ونزلت وتقهوينا وتغدينا وسولفنا وعلى اذان العصر صلينا
ورقينا الغرفه
وجت النشبه ( رغد ) معانا



جلست أمهد لها...



افراح أنا عارفه أني غلطانه بس يعني غصب علي بس شئ غصب عني وانا مادري كيف سويت كذا و..


أفر اح: أيه وبعدين ولا كلمه فهمتها قولي واخلصي
أنا: قلت لها كل شـــــــــــــــــــــــــــــــــي




انهبلت هي انتي صااااااااااحيه؟؟ يالله ياديما ماتوقعتك كذا؟؟؟

انا قلت مره معليش اسمعي صوته
بس عاد تطولينها مالك حق..
عيب والله عيب


قلت: لها شسوي غصب عني والله صرت احبه مره مره



وحتى اذا حبيته... تكلمينه؟؟

وانتي مصدقه ان فيه شئ اسمه حب؟؟؟
هو مسوي نفسه يحبك ويعنني وهو ماوراه الا الدجه نصااااااااااااااااب لعاااااااااااااااااااااب

وانتي تلعبين على نفسك وتسوين نفسك تحبين مثل صحباتك.
وانتي تلاقي قلبك لا يحب ولاشئ..



دخلت علينا امي وشايله بنت عمتي الصغيره وقالت يالله بسرررررررررعه البسوا وانزلوا
اليوم الاجتماع بالاستراحه وبتروح معنا عمتك لان زوجها مسافر يالللله بسرررررررررررعه بطلوا سوالف
وحكي ماتشبعون.........؟؟



يالله وش هالحظ الشين دايم مانروح الا المغرب وش زود اليوم بنروح العصر وبدري بعد!!

طبعا لبسنا وتجهزنا ولبست فروحه من ملابسي ورحنا

والموضوع انغلق طبعا...



وحنا بالاستراحه..سمعت افراح تكلم عمها بالجوال وكأنها تتكلم عن مراجع وبحث صعب ووو
لما خلصت سالتها وقالت لي ان عندها بحث من 50 صفحه ومالقت مراجع وطالبت من عمها ولقى بس مو نفس اللي تبيهن



قلت لها ان ( بندر) كان يسولف لي مره ويتكلم عن البحوث وكذا اشرايك اساله؟؟ يمكن يساعدك


قالت ياليت والله..

على الاقل نستفيد منه شئ.
علمتني عنوان بحثها




لما رجعنا متاخرين وفيني نوم نعسانه مره مره ومانمت الظهر عشان( افراح)
بس ما اقدر لازم ادخل النت عشان اشوف عمري وقلبي وروحي وانا ولهاااااانه عليه موت موت


دخلت ولقيته متصل ..

يااااااااااااااااااااااعمري يا ( بندر) سهرتك معاي




ساكت ومايرد علي



قلت يمكن ماوصله كلامي
كتبت له مره ثانيه

مارد

يالله وش فيه؟؟
كلامي يوصله اكيد
لان لو ماوصله كان كتب



تعذر تسليم الرساله لكافة المستخد مين:

كتبت بندر عمري وشفيك ماترد..

شفت تحت
7
7

لو تجمع حب العالم واحساس وشوق العالم ماتساوي ياعمري غلاك))

كتابة رسالة الان




فرررررررررررررحت مره مره

وفجاه توقفت..


كتبت له بندر الله يخليك كلمني...؟

واشوف يكتب وفجاه يوقف

شكله يكتب ويمسح!!!

لعب باعصابي




واخر شئ كتب لي



8
8
8
8
يتبـــــــع

واخر شئ كتب لي

موب حرام عليك تلطعيني 3ساعات

من 12 وانا هنا انتظر........


قلت له ياعمري والله مو بيدي انت تعرف اننا مجتمعين باستراحه والسياره مو بيدي

3:15ص


تعذر إرسال الرسالةإلى كافة المستخدمين:

قلت له ياعمري والله مو بيدي انت تعرف اننا مجتمعين باستراحه والسياره مو بيدي.


يالله وش فيه؟؟ معقوله زعل وطلع!!
لالالا انا ماسويت شئ ولا زعلته اكيد اكيد ان الاتصال قطع عنده.


04:30ص

يالله اذن الفجر وهو مادخل؟؟ ووووش فيه؟
خلاص شكله مو داخل
يالله اطلع انام وارتاح.


مانمت ذاك اليوم زين رغم اني كنت تعبانه ومرهقه بس تصرفه شغل عقلي وبالي
وهو يدري ان اختباراتي الشهريه بتبدأ وماراح ادخل النت لا الأسبوع الجاي ولا اللي بعد



مافيه الا اني ان شاء الله ادخل العصر وارسل ايميل اتطمن عليه واساله وش فيه طلع ..!


لما دخلت العصر وفتحت ماسنجر طلع----- يوجد لديك في علبة الوارد 2رسالة جديده

واااااااااااااو ياحبني لك يابندوره سبقني

بسرعه فتحت البريد والقى رساله دعاية

والثانيه من احمد


احمد؟؟؟؟؟؟؟؟؟؟؟؟؟؟؟!!!!!!! يالله من زمان عنه غريبه وش اللي ذكره فيني وش يبغى؟؟






كانت رسالته طويله مختصرها وش سبب غيابي ؟؟
وانه يخبرني انه فتح منتدى ويعرض علىالاشراف فيه؟

^
^
^

انا بعالم وهو بعالم مافضيت الا حق المنتديات والاشراف انا مافضيت الا لبندورتي

ااااااااااه يابندر وينك ياعمري ماوحشتك؟
كذا معقوله تزعل علي بدون سبب
اهون عليك وانت اللي تقول انك ماتقدر تستغني عني؟؟

انتظرت
و
انتظرت
ومليت من الانتظار



سمعت امي تناديني)) ديماااااااااااااااااااااااااااااااااا افصلي النت ابغا التليفون ماتملين منه وانا قايله لك لا تشغلينه العصر((




يؤيؤ ياويلي ((طييييييييييييييييييييييييييييييييييييييييييييب ((

قامت تهوش قصري حسكِ سمعوك عيال عمك (( احنا وعماني بمجمع بس صوتي طامن ويالله اللي جنبي يسمعني بس ذيك الصرخه لاني طفشانه وابغا النت ((...


قومي ذاكري الاختبارت قربت




))يوووووه اختبارات ,,ياضيقة الصدر الله يهديك يايمه زدتي همي هم((


مسكت الكتاب الى الليل
بيني وبينكم يدخل من هنا ويطلع من هناك
والكتاب كله اشعار واغاني
وعلى غلافه خطيت

:: انتظرته وقلبي احساسه يقول صوتي خلي اليوم ماأظن اسمعه::



12:00 م
دخلت النت وفتحت ماسنجري
والقى
~~لو تجمع حب العالم واحساس وشوق العالم ماتساوي ياعمري غلاك
الحاله متصل:



انبسطت مره وشعوري ماينوصف
بس ماسلمت عليه والله هو الغلطان وهو اللي زعل بدون سبب



شوي والا هو يسلم علي وانا ساكته,,,,, ------ اول مره اتغلى عليه
ويناديني وانا سااااااااكته----------- قلبنا صرت انا الزعلانه وهو اللي يراضيني*

المهم قال لي كلام وراضاني فيه والكلام .....مشفر إذا كبرتوا أقوله لكم



وقلت له عن بحث" افراح"

وقال: ان شاء الله اني باحاول اجيب لك كم مرجع وان بغيتي اسوي لها البحث من عيوني

قلت : تسلم عيونك باسالها وارد لك

قال: اوكي بس لاتتاخري لان البحث يحتاج وقت طويل





سالت افراح::
تبغا مراجع والا يسوي لها البحث كله??


انبسطت هي مرررررررررررررره وقالتلي اقوله يسوي البحث كله

على قولتها( خله يريحني ومنها نستفيد منه(




----------------

وارسلت له رساله على ايميله

_--------_



مرت الايام بطيئه على قلبي خاصه انها اختبارات واليوم في الاختبارت كانه سنه

وحبيبي شاغل بالي وووواحشني موت موت

لي اسبوعين مادري عنه ولا عن احواله

انتظر متى يجي الاربعاء اخر يوم من اختباراتي عشان ادخل النت واشوفه

ويلقى قلبي قلبه واتهنى بقربه..

ويجي الاربعاء وانا في المدرسه انتظر بس متى اروح للبيت خلاااااااااااااااااص ماتحمل ذبحني الشوق

واحنا مع ابوي بالسياره




قال: جهزوا حالكم وملابسكم

ترا بنسافر اليوم لحريملاء جدكم مسخن شوي وخالك عازمنا وملزم


انا بانهبل لا لا لالالالالا انا مو رايحه

والله ماروح مالي شغل فيكم

ابوي يناظرني ديما وش جاك؟؟

ماتبغين تروحين لخالك وانتي اللي تصجيني دايم

قلت الا ابغا اروح بس مو هالاسبوع


اجلوهالروحه للاسبوع الجاي((((( حرام عليكم والله مشتاقه لحبيبي)))))


قال: ليه الاسبوع الجاي!!!!
وش عندك هالاسبوع؟


قلت : امممم تونا مخلصين اختبارت وودنا نرتاح

قال: ايه لانكم زهقانين من البيت والاختبارات جتكم هالعزيمه في وقتها



حاولت معاه اننا مانروح بس هو رافض مره مره ويقول ان خالي ملزم وهو مواعده

يالله وش هالحظ الشين والله مشتااااااقه له مووووت والمشكله ان خالي ماعندهم نت يالله وش اسوي

انا.........؟؟؟؟؟

وصلت البيت وعلى ماتغدينا وجهزنا ملابسنا دخلت النت وارسلت له على ايميله اني مشتاااااااااااااقه له

موووت وانتظر هاليوم بس وش اسوي في اهلي مصرين نسافر..

وان شاء الله اول مارجع راح ادخل ماسنجري واشوفك

سافرنا ولمارحنا هناك كان جدي تعبان مره ومرقد بالمستشفى

وخالي ما يبغى يروع امي عاد قال انه مسخن يبغا يمهد لها

حالتي والله حاله جدي الغالي تعبان مره وامي ضايق صدرها عليه حيل

واحنا بعد

ومشتاقه لحبيبي ..!!!



قعدنا بديرة جدي تقريبا 10 ايام,, حتى خف الله يطول بعمره وطلع من المستشفى

وتطمنا عليه ورجعنا للرياض يوم الجمعه

ودخلت النت على طول قبل ماسوي شئ وقبل مافتح كتبي اللي لها اسبوع في الشنطه


واشوف 6رسايل من حبيبي يسال عني ومستغرب هالغيبه
وينتظرني على احر من الجمر

وارسلت له وعلمته عن ظروفي واني اعتذر له وانتظره يدخل الليله..

ودخل بنفس الوقت اللي حددت له

وكان مشتاق لي موووووووت

اول مره احس بهالاحساس

احسه مشتاق لي من قلبه

ويكتب لي اشعار واغاني واهداني هالاغنيه


~~!!~~



ماتصدقون فرحتي بشوفته حسيت أن الدنيا تضحك لي حسيت بالحنان

والأمــــــان (يازين الشوووق)


أبطلع من النت ماقدرت والله ماقدرت قلبي معااااه كيف أتركه وأروح
جت الساعه 4الفجر
و
يتبع

••.•´¯`•.•• (الحلقة السابعة) ••.•´¯`•.••


يؤيؤيؤ
اذن الفجر وانا مانمت
ياويلي من امي
كيف باروح ادرس وانا سهرانه

واستاذن منه واطلع..

واحاول انام وماجاني نوم رغم أني كنت تعبانه ودايخه مره بس بندوره شاغل بالي وتفكيري ياحبي له هالولد

وانا افكر فيه قربت الساعه6 وربع وانا مانمت وخلاص عيوني تغمض وتدخل امي



يالله المدررررررررررررررررررررررسه بسرعه تاخرتوا

*** يوه يمه مابغا اروح ودي انام

صرخت بوجهي اقول قومي لكم اسبوع مادرستوا***
واقوم وانا كسلانه حيل واتجهز واروح لمدرسه
ويقابلوني صديقتي
وحشوني والله
وانا اسلم عليهم






قالت لي( مي) بندر ازعجني

انا طارت عيوني:: ازعجك!!!!!!!
قالت: ايه ماغير رسايل واتصالت وطمنيني على ريم
انجنيت انا:: معقوله يتصل؟؟؟!
انا قايله له لالالا تتصل


ليه يتصل؟ اكيد بيتطمن علي؟ بس ولو انا قايله له لالا تتصل عليها


طول الوقت وانا افكر ليش يتصل وانا معلمته ومحذرته بعد انه ما يتصل حتى لو مت لايتصل عليها

== رجعت البيت وانتظر متى يجي العصر علشان ادق على افراح واعلمها
لما قلت لها كانت باردةجدا وماتحمست


وتضحك وتقول اكيد يبي يتلصق فيها
مل منك هي عندها جوال وانتي ماغير عل هالنت والشباب يبون تليفون وطلعات





سكرت السماعه منها وضاااااااق صدري معقوله بندر كذا؟؟؟؟
معقوله بندر مل مني؟؟
طيب انا ليه مامليت منه
وليه الى الان احبه واموت فيه

معقوله انه يبغا( مي) ؟؟؟
طيب حتى لو مل مني راح يكلم وحده غير ( مي) وش يبغا بصديقتي؟؟



======== وانا على هالتفكير لحد ماجاء الاربعاء وادخل النت واشوفه متصل
واقعد اسولف معاه وهو يسولف
وودي اساله ليه دقيت على ( مي)
ماقدرت اصبر من كذا وسالته






قال ياعمري والله كنت خايف عليك مره مره
وماعندي وسيله اطمن عليك الا من جوال صديقتك
وكنت باتصل على جوال بنت عمتك افراح لكن ماحفظته بجوالي وراح علي


قلت له طيب ليه حفظت جوال ( مي)؟؟

سكت
فتره طويله ومارد
وانا انتظره
واقوله
الو
الو
وينك

قال: معاك


قلت طيب جاوب

قال:وش اجاوب عليه
قلت على سؤالي ليه حفظت جوال( مي)؟
قال:: اممممم لانها صديقتك

وحفظته من وقتها

اما جوال افراح نسيت لاحفظه بوقتها وراح علي
قلت: اها
وانا اللي اقول بنفسي_ شكل افراح صادقه وانه مل مني ويبغا يتعرف على ( مي)




قلت له طيب ليه مارديت بسرعه
ساعه على ماترد!!!!!!!
قال::انا سكرت الصفحه لان ولد خالتي محمد جنبي ومابغاه يشوف ايميلك اخاف يضيفك


====== سكت ومارديت عليه... الله واكبر يعرف يصرف بعد وجاهزه الكذبه===


هو حس اني زعلانه و وده يلطف الجو
ويقعد يسولف ويتكلم ويكتب نكت والغاز

وانا والله مابيه مليت منه من جد
خلاااااااااااص
احس اني كرهته


ودي اتركه
خلاص مابيه
انا بعد مليت منه
كتبت له بندر انا طالعه



استغر ب ?
وقال: بدري ليه؟؟؟؟


قلت خلاص مليت ووجعني ظهري من الجلسه على الشاشه ابغا ارتاح
حط لي
مليتي؟
مليتي مني؟



ولا شعوريا كتبت له ...
ايه مليت

وخلاص ابغا اطلع
يالله باي

كتب لي لحظه

ابقولك شئ



قلت وشو

قال:

8
8
8
8
يتبـــــــــــــــع

حذفتها بدون ماقراها.. كلامه مكرر ويحور ويدور بنفس الموضوع قلت اكيد مثل الاوليات مو لازم اقراها...
وارسلت له اني طيبه وبخير ومو زعلانه ولا مليت بس تليفونا انقطع وماسددوه الا امس كذبت وانا ماحب الكذب كله من ( افراح) وبحثها



وخبرته اني الاربعاء بالليل بادخل وان شاء الله اشوفه



وطبعا هو ماصدق خبر
كان متواجد على الماسينجر من العصر على قولته...

كنت متفشله منه حيل بس شسوي عشان البحث واخاف من زعل ( افراح)


سلمت عليه وسلم علي وقام يقولي هالكلام الحلو والاشعار
و


وقال لي:: انه منقهر مني ...
لاني مليت منه
وانها مثل الطعنه اللي جرحت قلبه
وليه اتركه كل هالفتره وما سالت عنه
واني شغلت باله
و
و
و
و
و
و

انا سااااااااااكته وما أرد..

بس اقرا

قال: ريم انا احبك

هو قالها وانا اللي تهت وقريتها مليون مره

عشت حياتي ماقد احد قالها لي الا هو
ويقولها وانا قايله له اني مليت منه!!!!



وانا افكر واسرح عجزت افهمه..
هو يحبني ولا يتسلى

واناظر الشاشه وهو اللي يناديني ويقولي الو الو ريم انتي معاي؟؟؟

وبسرعه كتبت ايه ايه

قال: لا شكلك مو معاي ابد

ساعه اناديك وماتردين؟؟
عندك احد متصل ومشغلك عني؟

قلت : لا لا
بس انا سرحت شوي

قال: في ايش سرحتي؟
قلت: طبعا فيك
قال: ياعمري انتي..

سكت انا ومارديت عليه...

قال: ريـــــــــــــــــــم

قلت: نعم

قال:انا احبك واموت فيك
تكفين ياريم لاتتركيني
والله انا محتاجك ماتتخيلين وش كثر تعبت لما تركتيني الفتره اللي راحت
ذبحني التفكير والشوق والوله
حبك أسرني
وما اقدر استغني عنك...
انتي ملكتيني
ملكت قلبي وعقلي
ملكتي كل شئ فيني
انتي حياتي وروحي
انتي حبي
ريم ا ح ب ك مووووووووووووووت


+====+

خلااااااااااص وهو يقول هالكلام
وانا اللي اتذكر صوته واتذكر ضحكته
واذكر كيف كنت احبه
وشلون صرت كذا وتركته كل هالفتره؟؟

وهو يكتب ويرسل وانا مو مستوعبه وش يقول..

كتب لي ريم انتي قريتي الرساله الاخيره اللي ارسلتها لك؟

قلت: ايه

وانا بالاصل حذفتها وماقريتها..

قال: زعلتي من الكلام اللي فيها؟؟

انا طارت عيوني واستغربت وش الكلام؟؟؟ ياليتني ماحذفتها
وش اقوله اللحين وش ارد عليه؟؟ اقول ماقريتها,,,مالي داعي
يالله بس باقول

بصراحه زعلني شوي..

قال: ياعمري انا اااااااااااااسف بس والله كتبها من الحره اللي فيني ومن القهر
ومن نار الغيره اللي بصدري..

وسامحيني يالغاليه..

===== تورطت انا مادري وش اللي فيها وش الي اسامحه=======

قلت: له يعني كيف؟؟

قال: والله ان التفكير والشك فيك ماعمره جاني بس شسوي انا من القهر رحت افضفض لو لد خالتي ( محمد) وهو اللي قال لي اكيد انها تعرفت على غيرك ولقت اللي مهب عندك عشان كذا ملت منك وتلاقيها حظرتك

انا اااااااااسف ياقلبي انا اسف..

======= طبعا فهمت السالفه========= واقول بنفسي( محمد) ذا
كأنه( افراح) نفس التفكير وانا وياه ياغافلين لكم الله..

قلت له: اها,,,,,, مو اول مره تقول او تسوي شئ مايجرحني.. تعودت انا عليك

قال: ايش تقصدين؟؟

قلت: من بعد اتصالاتك على ( مي) وانا محذرتك خلااااااااااص مابعد هالفعله شئ
كل شئ عندي يهون...

قال: للحين بقلبك؟؟
ورب البيت وجعلني ماتوفق اني ما كلمتها الا عشان اتطمن عليك بس

قلت: انا مطمنتك ومرسله لك رساله اني باسافر صح ولا لأ؟؟

قال: صح مرسله لكن خفت عليك مره
متوقع بتسافرين يومين وترجعين مو عشرة ايام
والله خفت عليك,,

ريم قولي امين ان كنت ابغا اكلم ( مي) عشان شئ ثاني مو عشان اتطمن عليك
ان الله يتوفاني اللحين وماقوم من مكاني والا جعلني اليوم باكبر حادث وان الله يشل رجليني ويديني واكون مقعد......... تكفيييييييين ريم صدقيني



بلا شعور.. كتبت له لالالالالالالالالالا تدعي على نفسك
الله يخليك لاتدعي
خلاص والله مصدقتك بس ارجوك لاتدعي على نفسك..

قال: طيب من عيوني..
بس انا اللي ارجوك لا تبعدين عني لاتخليني

قلت : ان شاء الله بس لاتتصل على صديقتي وماراح ابعد ولا اخليك

قال: اللحين باحذف رقمها اشرايك بعد؟؟

قلت : ياحبني لك

قال: لألألألألأ لاتقولي ياحبني لك~~~~~~~قولي( احبك)~~~~~~


قلت: احبك
قال:عيديها
قلت: احبك

وقلت له كلاااااااااااااااااام ( مشفر) هاهاهاها وهو يسولف لي عن اهله واخواته وووووووو
قال الا صح تذكرت بحث بنت عمتك ترا خلصته من زمان وبعد طبعته

*** اشوى انه هو اللي تذكره وقاله يعني جت منه مو مني***


وسالني كيف يسلم لي البحث؟؟

قلت له امممممم

اسال ( افراح) واخبرك..

قال: اشرايك اقابلك بمطعم او أي مكان مناسب لك واعطيك

قلت: ههههههههههه ياليت والله
قال: جد
قلت: اجل
قال
7
7
7
7
7
يتبع

.•´¯`•.•• (الحلقة العــــــــاشــرة) ••.•´¯`•.


قال: يالله انتي حددي المكان والوقت وبتشوفيني موجود

قلت:اممممممم
ارد لك بعدين..

قال: اوكي عيوني بس لاتتاخرين..
وسولفت انا وياه عن كل شئ صار لي في الفتره الماضيه وسالني عن اختبارتي والتقرير الشهري ودرجاتي و و و و


ورجعنا مثل اول واحلى ونسيت كل اللي صار وحتى هو نسى اني قد قلت له اني ماله منه ولاجاب هالسيرة لي ابد..


من بكره اتصلت على( أفراح) وشاورتها
وقامت تهوش علي وتقول اني مجنونه لو قابلته
قولي له يحطه باحد محلات الهدايا وباسمي وانا اجي واخذها
### آآآآآآخ قتلت فرحتي كانت امنيتي أشوفه وألتقي به لو من بعيد
المهم اعرف شكله وهيئته وطوله وجسمه###
يالله خيرها بغيرها..
ارسلت له ايميل وكتبت له عن راي( افراح)
ورد علي وحدد محل( الحفله)

وقال بكره تجي وتستلمه




وراحت تستلم البحث..

وقلت اذا اخذتيه تعالي عندنا ابغا اشوفه

قالت لي طيب..

البنت تاخرت
انتظرها
من المغرب وهي طالعه
والحين 9 وماجتنا..
الله يستر وش اللي اخرها؟

10وماجت
اتصلت عليها اتطمن..
اسالها وينك؟؟؟ تاخرتي!!

انا على أعصابي..
وهي بكل برود..
بالبيت ماقلت لك تعالي عندنا..

قالت: كنت باجيكم لكن شفت البحث 50 صفحه
ولازم اصوره واقراه عشان لو ناقشني الدكتور لافهم وش مكتوب
وبعد اشوف ان كان فيه اخطاء بالطباعه او الاملاء وبكره دوام ومحاضرتي بدري وصعبه اسهر...
يعني مشغوله مره..

قلت: متى طيب بتسلمينه؟

قالت: نهاية هالاسبوع ان شاء الله

قلت: طيب ودي اشوفه

قالت: لاتخافين عندي نسخه ..مصورته .. يعني ان شاء الله بتشوفينه

قلت: يالله اجل عن اذنك مع السلامه..

قالت: صح نسيت اقولك,, تراه حاط مع البحث علبه سوداء وعليها فيونكه حمراء وكرت إلى حبيبتي( ريم)

أنا بدري
توك تقولين
وشفيها العلبه؟؟


قالت مادري هديه اكيد

قلت يوووه تكفين( افراح) تعالي لنا الحين او بكره
ابغا اشوف الهديه

قالت: ماعتقد والله مشغوله عندي مليون شغل واختباري النهائي الثلاثاء مو هذا الجاي اللي بعده
ومافتحت المنهج ابد وعندي ملازم ناقصه و مشغووووووله مره
تعالي انتي وخذيها..

قلت: عشان تحقق امي معاي الف تحقيق
تكففففففين

هي رااااافضه مره مره ..


قالت: خلاص بافتحها واعلمك

طبعا كان ودي انا افتحها
وخاصه انها اول هديه من بندورتي
بس( افراح) ونذالتها مو راضيه تجينا
لان حاجتها انتهت

قلت: يالله افتحيها == وهي تفتحها// اتوقع وش تكون؟ عطر او ساعه او . او. . .==

قالت: واااااااااو

قلت: وش؟

قالت: شئ تحبينه!!

قلت: صورته قالت: ههههههههه يع من زينه لو حاط صورته كان استفرغت اللي اكلته
قلت: عمى بعينك تسبينه ؟؟ ونسيته معروفه.. والمشكله البحث بيدك.. صدق من قال جزاء المعروف سبع كفوف..

قلت: ياشيخه طيري أي معروف
البحث معروف هههههههههههه يحمد ربه يلقى بنت تعطيه وجه

انا عصبت ومو رايقة لها..

قلت: وش الهديه؟؟

قالت: لا تعالي سطريني

=== ناويه هوشه هي===

قلت: ( افراح) تكفين وش الهديه؟؟ لاتلعبين باعصابي

قالت: شريط خالد عبد الرحمن الجديد


انا صرخت صرررررررررخه
يالله انجنيت من الفرحه
مامدى الشريط ينزل عشان يجيبه لي
يااااااحبي له..

تكفين افراح.. تعالي لنا وجيبيه الله يخليك..

قالت: لحظه بقى شئ مغطى بإيشارب احمر..

قلت: وش؟

قالت:

يؤيؤيؤ

يالللللللللله خيالي

يجنن

انا: وشووووو؟؟؟

قالت: لحظه..
عليه استكار وكاتب بخطه الشين
كان كتبه بكمبوتر احسن..

انا
وووووووووووووووووووووووووووشو؟

قالت:
7
7
7
7
يتبع

.•´¯`•.•• (الحلقة الثــــــــــــــا ني عشر) ••.•´¯`•


وتشوف الغلاف حق الشريط وتظن افراح اللي جايبه لنا الشريط
وتلاغينا وتسب افراح اول مره تسبها دايم تمدحها
وتصادر المسجل والشريط بعد

صارت غرفة امي مستودع من كثر ماتصادر الممنوعات ايام الاختبارات



مشت الايام ..
انتهت الأزمه
وخلصنا اختبارات
ولله الحمد طلعت النتايج
ونجح البيت كله
وكالعادة رجعت لنا
اغراضنا المصادره
وجت أفراح تنام عندنا نشبع منها قبل مايسافرون شبكت النت
وادخل بريدي وافتح الماسنجر
مليان رسايل ,,, ,شخصيه مهمه
وكلها كالعاده
من بندورتي
وانا اقرا رسايلي
وحبيبي يسجل دخوله..

حبيب من زمان عن حبيبته كيف بيكون استقباله لها؟

مايحتاج افصل....


بارك لي بالنجاح وهوكان حامل مادتين
لكنه فرحان مرررررره بنجاحي
واحس ان اكثر واحد بالدنيا فرحان بنجاحي هو
ولزم علي انه بيجب لي هديه النجاح
^
^
^

يالله انا حظي حلو هاليومين
بعد بيجيب لي هديه ثانيه..ماعندي مانع.. الله يكثر الهدايا


***** افراح كانت بغرفة رغد وفالينها انواع الكاكاوات والمشروبات ولزومات السهر
قلت لهم عن سالفة الهديه اللي بيجيبها بندورتي بمناسبة نجاحي..

أفراح ناظرتني نظره غريبه شوي..



ريما خير ان شاء الله

مصخها بندروه ماينعطا وجه؟

وش قصده بذا لهدايا؟؟
وش ناوي عليه؟؟
بيستعطف قلبك؟ عشان تميلين له! ويوصل لهدفه

قلت: وشفيك عليه؟
وش اللي ناوي عليه يعني؟ عشان هديه تقولين كذا


ايه انتي ماتفهمين وش اللي بيوصله
هو ماعطاك الهديه الا وراها شئ
والا وش العلاقه اللي بينكم عشان يهدي لك وخاصه انه قريب مهدي لك

ابد مافيه علاقه بس احبه ويحبني
وانا بعد فكرت اهدي له هديه

لا والله بعد هذا الناقص
من زينه عشان تهدين له!!

وش فيك افراح غايره مني لان مافيه احد يهديلك

مالت عليك.. وعلى اللي يغارمنك ومنه
انا اخاف عليك وابغا مصلحتك
وانتي ماتدرين وش قصده من ذا الهدايا
يعني كل ذا حب فيك!!
والله ان وراه شئ
واذكرك ان جاء بعد مده وماقال لك اطلعي معي
هذا هدفهم العيال
مصدقه حب وخرابيط؟؟

انا مادخل مزاجي كلامها ابد
هالبنت ماتؤمن بشئ اسمه حب


سكت وماحبيت اناقشها
وسكرنا الموضوع..


افراح سافرت مع اهلها
واحنا مانسافر الا باخر العطله

وكل مادخلت النت قالي بندورتي
متى بتاخذين الهديه؟؟ غبرت عندي


انا خلااااااص
صممت وقررت اني باخذها

بس كيف الطريقه؟؟
وخاصه ان افراح هي اللي خذت الهديه الاولى وفكتني

كيف باخذها؟
وامي ماراح توافق اطلع مع السواق لوحدي


قلت لـ(رغد)

قالت: بسسسسسسسسيطه
بس بشرط ان الهديه بيني وبينك

قلت : موافقه
بس كيف باخذها؟

قالت: يوم الاحد الجاي بنروح لمشغل......... بنفصل فساتين زواج عبدالرحمن
ومنها نمر المحل اللي فيه الهديه وناخذها مايبغالها تفكير===رهيبه اختي تعرف تفكنا من الأزمات

ونفذنا الخطه واخذنا الهديه
وانا قلبي يرتجف
اخاف امي تفتشنا واحنا راجعين للبيت===متعوده على المدرسه


دخلت غرفتي وقفلت الباب قفلتين=== الخوف على اصوله


والهديه كانت انيقه جدا جدا
وذوق

إلا اللي عيونه طايره5





جوال
ياهوووووووووووووه
وش هالعز؟؟؟

انا ورغد كذا(نناظر بعض مستغربين ومو مصدقين

ومفتوح بعد وعلى الصامت
وعلى الشاشه شعار

&&& قولي احبك&&&&






كنت فرحانه مره مره بالهديه
وبنفس الوقت
خايفه وضايق صدري مادري شسوي به؟؟
كيف باعلم امي؟
اقولها صديقتي مي معطتني هديه جوال؟
وخاصه انه جديد وكان لسا نازل بالسوق
ماراح تصدق...
وش هالصديقه الكريمه اللي بتعطيني جوال وبعد شريحه

ياربيه
وش هالمشكله!!

قالت لي رغوده

مو لازم تعلمين امي
وزيه( خبيه )عندك ولاحد يشوفه

قلت: طيب وش الفايدة اذا خبيته؟؟
من بيدق علي؟

كش بوجهك
غبيه انتي؟؟
هو ليش معطيك الجوال؟؟
عشان تكلمينه

مو عشان تورينه اهلك وتعلمينهم ويدقون عليك=== اصغر مني وافهم بهالامور


ودورت لي مكان مناسب بغرفتي احفظه فيه هو والشاحن == مو معلمتكم المكان اخاف تفضحوني


وقالت لي اتصلي عليه واشكريه== هي اللي تشجعني والا انا اكبر خجوله وخوافه بالعالم

طبعا ماتصلت

هو اللي أرسل لي رسالتين

حبوبتي ريم
اذا كنت فاضيه دقي على رقمي نغمه
اوكي عيوني...

..........

رقمك الشخصي حق فتح الجوال
2222
انا وانتي اثنين هههههه========= متاثربالنت
انتظرك عمري

مر اليوم ومادقيت
وهو مادق

مر اليوم الثاني وانا مادقيت..خاااااااايفه مره
وهو يدق وانا أشوف رقمه واحاول اضغط ( اكتبي يس بالانجليزي
وتنتهي المكالمه وانا ماقدرت ارد

ارسل لي رساله
ريم لو مارديتي بأزعل

وانا مو قادره ارد ومو قادره على زعله===ياعيني على الحب

مافيه الا رغد
بتفكني من هالازمه

وأنادي رغد
وتجي و تشجعني وتجسرني === ماتقصر

واكلمه
واسمع صوته
ويالله ارد على اسئلته واجاوبه قد السؤال
حتى ماسالته ولا قلت له أي شئ ولا حتى كيف حالك؟
وهو يسولف
وينكت
ويعلق
وحتى

غنى لي ( ناري نارين,,ناري من قمالو البي ايه قرالو,, حبيبي ده,, من نضره خدني بلهفه دبنا حنا سوا..حبيبي ده: مانسيت هالاغنيه للحين ودايم يطري لي صوته وهو يغنيها.. تصدقون احلى من صوت هشام عباس..بتقولون عشانه حبيبها هههههه قولوا عادي..حبيبي واحبه وش عليكم انتو؟

واطوووووول معاه== راح الخوف....والخجل رميته...

(رغد) جاها النوم ونامت بسريري
وماخلصنا من المكالمه الا على اذان الفجر

انا مامليت منه وهو مامل مني
لكن الجوال مل مننا ويقول البطاريه ضعيفه

انهينا المكالمه وصحيت اللي نايمه بسريري وطردتها لغرفتها==قليلة خاتمه

وخبيت الجوال بالمكان السري







استمريت على هالوضع لمدة 4 ايام
وانا كل ليله انادي رغد بغرفتي واكلم بندورتي
واخر مره
عيت رغد
وصرخت بوجهي

تقولي فاضيه لك
انتي تكلمين وتنبسطين وانا جالسه لحالي
ماغير اسمع احبك
اموت فيك
انت عمري
طفشتيني
انت وياه
من زينه عاد
هالثرثار ليته يستاهل عاد
باروح تحت اشوف قناة الدريم ابرك منك


اترجاها تكفين رغد

وتنزل وتتركني


يالله كيف باكلمه اللحين!
ماأقدر
اخاف تمر امي والا اخواني ويسمعوني وانا اكلم
عاد من اكلم هالوقت؟؟ لورغد تجي معاي كان اقدر اصرفهم واقول اسولف مع رغد
لكن اللحين وش اسوي! !

نزلت معاها وماكلمته
وبعد يومين كلمت وقلت له اني ماقدر اكلمك

7
7
7
7
يتبع

.•´¯`•.•• (الحلقة الثــــــــــــــالثةعشر) ••.•´¯`•




قال هي تحب الكمبيوتر؟

قلت: ايه

قال: خلاص خليها تدخل النت==== فكره حلوه

عرضت عليها وووافقت== انبسطت يعني باكلم بندروتي

وهي على النت وانا على الجوال
مالي اكلمه نص ساعه

قالت لي انا طالعه
طفشت
ماعرف شئ
ماسنجرك مافيه احد
ومالي خلق المنتدى ماعرف اكتب وارد


انا

وهو كان يسمعها

قال قولي لها تدخل شات راح تنبسط وتتسلى

وتدخل الشات وتفلها

بعد اسبوع وصل الحد الائتماني 1000 لجوال بندورتي


وكلمني من جوال امه

وبعده من تليفون بيتهم

واستمرينا على كذا كل ليله من ليال العطله السعيده
تجي بغرفتي تدخل النت وانا بالجوال





......

رجعت افراح واهلها من السفر
وطبعا كانت مشغوله بالتجهيز لزواج اخوها الكبير عبدالرحمن
شفناها باستراحه في اجتماع اهلي
وخبرتها بسالفة الجوال
يعني من الالف الى الياء..


عصبت علي
وهزئتني
وقالت لي كم كلمه قويه
وجرحتني فيها


وتغيرت معاملتها معاي ومع رغد بعد

وكنت كل ماتصلت عليها صرفتني
بانها مشغوله بالعرس وتجهيزاته
وبفستانها وباثاث شقة اخوها و و و و و و






قرب زواج ولد عمتي وانشغلت عن بندوره
بالنهار طالعه من مشغل لسوق لكوافير لـ.....................
وبالليل تعبانه مره ومولم الجوال ولا لم بندورتي



وانا احاتي وشايله هم بندورتي كيف باعتذر له
وش باقوله؟
ويني كل هالفتره ؟؟

طلعت الجوال من المكان السري

و
شئ غريب
ولارساله
ولا اتصال
لي ثلاثه ايام عنه
وماسال عني ولا حتى رساله؟

وهو في اليوم كم تجيني رساله منه؟؟
وشلون الحين ثلاثه ايام لارساله ولا اتصال
وش فيه؟
وش اللي غيره؟

لايكون فيه شئ
او يمكن تعبان!
او اهله فيهم شئ؟

الشكوك تدور وتحور..
وفرضت هالاحتمالات كلها واكثر بعد
وجعني راسي من كثر التفكير بسبب غيابه المفاجئ

مافيه الا ادق عليه واشوف وش قصته؟؟

دقيت مره ومرتين وثلاث وعشر
ومايرد علي

ارسلت له رسالتين اترجاه يرد علي
او يطمني عليه برساله

ولا جاني رد


ولا خبر
ولا علم


انشغل بالي عليه

خبرت رغد


وهي بكل برود ولا همها ولا جاء في بالها اصلا

وانا حالتي حاله ولايعلم بها الا ربي

لي اسبوع اللحين مادري عنه
الجوال كان مايرد واللحين مقفول

والماسنجر مايدخل

وش اسوي؟
كيف اعرف وش فيه؟
اكيد فيه شئ
مو عادته يتركني ويخليني ومايسال عني

رغد حست اني متغيره وبالاصح تعبانه ودايم سرحانه وكارهه الحياة كلها

قالت لي عن فكره خطيره مره
اول شئ رفضت وخفت
لكن حبي لبندر وخوفي وقلقي عليه
خلاني اتجرأ وانفذ الخطه
واقدم عليها بكل قوه

-----------------

طلعت الجوال وادور على الارقام المستلمه
واشوف رقم بيت بندر

وادق عليه


وترد علي بنت

واسكت شوي

وهي تقول:آلو,,آلو

وانا ارتجف

اكلمها او اصكر السماعه...؟؟ ؟؟ ؟؟

قلت : السلام عليكم
وهي ترد السلام

وتسالني من انا؟؟

سكت مادري وش اقول؟؟

قلت لها ماتعرفيني
انا اخت صديق اخوك( بندر)==== قويه الكذبه

وبصراحه اخوي قلقان مره على( بندر) ولايدري وش فيه
له اسبوع وجواله مايرد عليه واللحين مقفول

واذا كلم بيتكم تقولون له مو موجود=== بعد كذبه اقوووووى

وهو خايف عليه وطلب مني اكلم احد اخواته واشوف وش به؟

قالت هو طيب وبخير ومافيه الا العافيه
بس ابوي كان مرقد بالمستشفى مسوي عمليه قصدره وهو مرافق له
وان شاء الله بيطلع اليومين الجايات

قلت: الحمدلله على سلامته ومايشوف شر...
و
و

وسلميني على حبيبي بندورتي ههههههههههههههههههه

امزح ماقلت كذا

سكرت السماعه
واحس اني ارتحت وتطمنت عليه
واطمر وابوس راس رغد
لولا الله ثم فكرتها
كان انا على حالي


وبعد يومين كنت بغرفتي معاي الجوال ورغدعلى النت
دق علي

اشوف رقمه( بندر يتصل بك.. )


ومن الفرحه بشوفت رقمه واسمه مو قادره ارد

يووووووووه......


وش هالحب الي احبك اياه يابندر
صدق اني مو احبك بس الا والله اموت فيك
كل هالايام وانا طفشانه وزهقانه ومابي اسوي ولا اسمع أي شئ
ومن شفت رقمك يتصل بس واسمك على الشاشه
واحس ان حياتي
ونورها رجعوا لي

يازين الحب ويازين ايامه واوقاته
وخاصه اذا صار حبيبك غايب ولك فتره عنه ومشتاق له
تحس بطعم الحب وحلاته


^
^
^
تصدقون ان كل هالمشاعر جتني بس من شفت رقمه
كيف بتكون اجل اذا كلمته

طبعا الوله له ولصوته خلاني ارد عليه
واول ماسمعت نبرة صوته
ودي ابكي
ياااااااالله شكثر له مشتاااااااقه
كان لي سنين ماكلمته

واخذنا نسولف ونتكلم وعرف اني انا اللي داقه على بيت اهله
طبعا مو الحاسه السادسه خبرته
ههههههه لا
الكاشف
وانا اسولف
قاطعني

وقال( ريمتي
ممكن طلب؟

قلت: تامر امر..

قا ل:

قولي احبك

انا

ايش؟

قال: قولي احبك

قلت: امممممم ليه؟؟

قال: تكفين قوليها

قلت: طيب ليه؟

قال : من زمان ماسمعتها منك..

قلت: واذا صار من زمان ماسمعتها؟؟

قال: يعني مشتاق لها وابغا اسمعها

قلت: تعجبك؟
قال: مووووووووت

قلت: لها الدرجه

قال واكثر
ماتتخيلي وش كثر تعجبني واحبها واموت فيها هي واللي تقولها لي

تكفين حبيبتي قولي احبك


سكت شوي

وقلت له بندر
قال: عيون بندر

يؤيؤيؤيؤيؤيؤيؤيؤيؤيؤيؤ جننتني هالكلمه

قال هاه حبيبتي وش بغيتي؟

قلت: بندر احبك
قال: قوليها مره ثانيه

واعيدها مرتين وثالث وخمس طعشات
وسكت شوي وقلت له
احـــــــبــــــــــــــك
والله احبك
واموت فيك
وماقدر اتركك واستغني عنك
انت حياتي
انت دنيتي
وغنيت له

( انت بحياتي كل شئ. وانا بحياتك من اكون؟؟
ياأغلى من روحي علي.. اهواك انا لحد الجنون)

فجاه
امي عند الباب وتناديني افتحه
وانا اللي اقفل الجوال واخبيه بمكانه وبسررررررررعه تروح (رغد تفتح لها

وكانت تبغاني اسوي لها كرت تهنئه لزوجه( عبدالرحمن) بالكمبيوتر وتحطه
مع الهديه

اشوى انها جت على كذا..كنت خايفه انها كفشتني وسمعتني وانا اكلم بندر



طبعا جاء الليل
ورجعت لعادتي
انا اكلم بندوره ورغد على النت

وهو يسولف قالي انه الاربعاء الجاي معزوم بعرس
وماوده يروح ابد لان ماله خلقهم ولا يحب المعرس ابد ولا اخوانه
ولا عايلته كلها وبينه وبين عيال عم المعرس مشاكل

بس ابوه مشدد عليه انه يودي اهله ويدخل يسلم لانه يقرب لهم وابوه تعبان وموقادر يروح
وبندر اكبر عياله ولازم يروح بالنيابه


ويشاورني على طريقه يصرف ابوه فيها

وانا اعطيه كم طريقه
ياتقول مادليت القصر
والا تعطلت السياره
والا اكشخ وكانك رحت ورح لاخوياك
وووووووو

قال: خلاص باودي اهلي وانا مو داخل
وباروح لاستراحة اخوياي واكلمك

قلت له: ههههههههههاي فاضيه لك انا
الاربعاء زواج( عبدالرحمن ) ولد عمتي
ولايمكن افوته

قال: اللي بيعرس اسمه عبدالرحمن؟

قلت : ايه

قال: وش عايلته؟؟

استغربت سؤاله ..

واقول بنفسي لايكون يعرفه بعد والا صديقه؟
والا نفس العرس اللي معزوم عليه هو عرس ( عبدالرحمن)


قلت: ليه تسال؟

قال: لان العرس اللي اقولك عنه المعرس اسمه عبدالرحمن

انا طارت عيوني وعورني بطني
خفت وماقدرت اتكلم

قلت: ايه عاد من قل المعاريس وخاصه بالاجازه
يمكن غيره==== اصرف الموضوع

قال: طيب العرس بقاعه(الرياض)؟

انا خلاااااااااص
انصدمت وخفت وارتعت ومادري بحلم والا انا نايمه او صاحيه؟؟

وماقدرت ارد

ويسالني مره ثانيه



7
7
7
يتبع

•´¯`•.•• (الحلقة الرابـــــــــعــه عشر) ••.•´¯`•

قلت ايه لا


=====ماعرفت اصرف الموضوع


فقلت له يالله امي تناديني باي..

وانادي ( رغد ) واقولها السالفه



انا راسي يوجعني
ورغد راسها بينفجر..
كيف بندر ينعزم لعرس عبدالرحمن؟؟
معناها ان نعرفه!!
او يقرب لنا..

بس عايلتنا كلها مافيه احد اسمه بندر؟؟

معقوله اننا نعرفه او من قاريبنا؟؟ او بس صدفه
بس كيف صدفه
ونفس اسم المعرس ونفس القاعه؟كيف تجي ذي!!
الا انه يعرفنا

لكن..
احنا مافيه احد من عيال عمي او اخوالي اسمه بندر...


طرا في بالي
انه يمكن يكون احدهم بس مغير اسمه..
وكيف يغير اسمه وانا داقه على بيتهم وسالت عنه باسم بندر؟؟
وحتى صوت اخته ماعرفه وماقد سمعته؟؟




يمكن يكون صديق عبدالرحمن..؟
وكيف يكون صديقه واهله بيروحون الزواج
وهو مايحب المعرس ولا اهله بس بيروح عشان ابوه

تعبت من التفكير
ياليتني قد سالته عن عائلته
او من يعرف من العوائل او عن اقربائه واهله

وطوووووول اليوم وانا افكر بهالموضوع
اللي شغل بالي وحيرني...




بالليل كلمت بندر
واسولف معاه
وهو يسالني

اللحين المعرس يصير ولد عمتك...؟

===== ------- رجعنا للموضوع

قلت ايه

قال طيب هو اسمه عبدالرحمن الـ............... ؟



ايه اسمه كذا وش دراك؟؟

ضحك ضحكه هستيريه

قال هذا العرس اللي انا معزوم فيه اللي قلت لك عنه

انا سااااااااااااااكته

ولا كلمه ولاهمس ولا نفس..

قال: تدرين ان المعرس يقرب لي بس من بعيد شوي

وبما ان المعرس يقرب لي فا بنت خال المعرس تقرب لي بس من بعيد..


بولع ريقي وموقادره اتكلم
لاني مادري انا بحلم والا بصدق ولا ويني فيه!!!!


قلت وش يقرب لك؟؟

قال ولد بنت خالة ابوي ههههههههههههههه بعيد صح

افهمك شفتي ام عبدالرحمن تصير بنت خالة بابا

صحيح ان مالنا علاقه فيهم ابد ونادر نتزاور بس ابوي وامه عيال خاله


انا==------- دارت بي الدنيا
وعيوني ماتشوف
جسمي كله مو على بعضه

انصدمت وتفاجات
وكانت اقوى صدمه بحياتي..

معقوله بندر يقرب لنا ونعرفه؟؟
كيف ووشلون؟؟

هذا الموضوع اللي ماقد جاء في بالي

يالله وش هالنت اللي جمعني به؟؟
وش هالصدفه اللي عرفتني عليه وبعدها حبيته ومت عليه؟؟؟
^
^

^
وهو يناديني ريمتي وش فيك ساكته؟؟

شكلك متفاجئه صح؟؟

؟
؟

عادي عمري انا كل اليوم وانا افكر
والله ان راسي اوجعني من التفكير
واللحين الحمدلله
والله اني مبسوط مره ومستانس بعد
ان حظي حلو
وصرنا نعرفكم وانكم من قاريبنا



انا مو لمه ابد ومادري وش يقول
تاثير الصدمه باقيه علي
واحس بدوار مو طبيعي
وماعدت استوعب وش يقول وش يتكلم

صرفته وقلت باروح اكل جوعانه
واسكر الجوال واعلم رغد
وجتها نفس حالتي



وجاء الاربعاء وحضرنا العرس وانبسطنا فيه وبعد يومين من انتهاء مراسم الزواج فضيت له

واتصل عليه


وهو اللي يخبرني ان اهله حضروا وانبسطوا
وانهم شافوا بنات حلووووووووووين


انا ساكته حاولت اسئله وش لبسهم وش شكلهم
ماعرفتهم ابد من كثر اللي سلمت عليهم..

لكن امه واهله عرفوني لاني بنت ولد خالتهم وسألوا عني ومادري من اللي علمهم بي



سالني سؤال ::
انتي اسمك ( ديما او ريم )؟؟
؟
؟
؟
؟


سكــــــــــــــــــــــــــــــــــــــــــــــــ ــــت
مارديت عليه


انفجعت من سؤاله
خلاص مادري وش اقول
ياليت الارض تنشق وتبلعني

وهو ينادي والو الو الو الو

قلت: هلا معاك

قال: غريب سؤالي صح؟؟

قلت: ايه

قال: لان اهلي وهم يسولفون عن العرس قالوا ان البنات كبروا وتغيروا مره
لانهم من زمان ماشافوكم
وقلت لامي مافيه احد من هالبنات زينه تصلح لي
قالوا لي فيه بنات بدر وبنات مشعل وبنات محمد
مشاء الله كلهم زين وقد العرس

وجابو طاري بنات عمك وبنات عمتك ولا جابو طاريكم ابد
يوم قالوا رغد
قالت هاذي اخت ريمي
لكن .. يقولون الايام تمشي بسرعه نخبر ديما في الابتدائي والحين راحت لثالث

استغربت مره ماأخبر عندك اخت اسمها ديما؟؟؟؟؟
قلت والله غريبه ماقد قالت لي ريمي ان عندها اخت اسمها ديما!!!
وبعد بثالث؟؟؟!!!!
وابغاهم يجيبون طاريك
ماجابو طاري ريم ابد...


قلت : وبنتهم ذيك اللي اسمها ريم

قالت امي أي ريم؟؟
ماعندهم احد بهالاسم...


عرفت انه انتي وماقلتي لي اسمك الحقيقي..

عموما ياحبيبتي مايهمني الاسم
بالعكس انا عارف انك خايفه على نفسك وماتدرين من انا عشان تقولين اسمك الحقيقي..
وكبرتي في نظري يابعد بندر
والله العظيم زاد اعجابي وحبك فيني..

وانا


سااااااااااااكته....



طبعا قال كلام كثير
وانا مو معاه
لان مازال تاثير الصدمة قوي علي
يوم حبيت ماحبيت الا واحد اعرفه!!!!!
وعرفني وعرف اسمي الحقيقي..؟؟؟
ولما كلمت كلمت واحد مننا وفينا ويقرب
وش هالصدفه اللي ماتجي على البال ولاتخطر حتى بالخيال


سكرت السماعه منه
ورحت لسريري
وانا افكر مادريت الا انا ابكي وقلبي اللي يبكي و كل مافيني يبكي


ليتني مامشيت في هالدرب
ليتني ماعرفته ولاعرفت النت
ليتني ماكلمته؟؟
وش استفدت الحين؟؟
خربت سمعتي بيدي
وسمعة اهلي
وش بيقول عني؟؟ وعن اهلي

كنت اتصرف بدون ماافكر
كنت اتوقع انه ماراح يعرفني واني بالعب عليه واتسلى وانبسط معاه
ومو ضارني شئ
كنت وكنت وكنت

ندمت في وقت ماينفع فيه الندم
تمنيت وقلت ياليت وليت ماتبني بيت!!
خلاااااااااااااااااص
مابغا شئ اللحين
كرهت حياتي
وندمت على كل لحظه كنت اكلمه فيها واخون اهلي
واخون اللي ربوني وحبوني وعطوني وماقصروا علي في شئ..
......


ضميري يأنبني
حسيت بالخطأ
ويني من بدري؟؟
ليه مافكرت صح
ليه تجاوزت حدودي
ليه تهورت وكلمته
ليه حبيته
هذا الشئ اللي ربوني اهلي عليه؟؟



ليه انا كـــــــــــــــــ؟؟؟؟؟؟؟ـــــــــــــــــــــــذا ؟؟؟



ابغا افتك منه اللحين !!


ايه ابغا افتك منه

و

ابغا اتركه


صحيح اني الى الان احبه واموت فيه
وبعدين وش نهاية الحب ذا؟
وش اخر شئ باوصله

من عرفته ماقدرت فكرت بكذا

كنت اتوقع ان الحب تسليه اتسلى فيه حتى يطرا بحياتي شئ جديد واتركه


والاصح انه ماقد جاء في بالي وش نهايتنا؟؟......


كنت محتاجه لاحد اقوله لاحد افضفض له لاحد اصارحه واقوله كل اللي بقلبي
اكلم افراح وهي مشغوله مره مره


كلمت صديقتي ( مي ) وقلت لها بكل شئ
وبكيت عندها
عطفت علي ورحمتني
قالت لي فكره
بتريحني وتخلصني منه
7
7
7
يتبع

.•´¯`•.•• (الحلقة الخـــــــــــا مســه عشر) ••.•´¯`•



هالفكره ماقتنعت فيها مره
مش ولابد
تقول انها
بتكلم بندر وتسولف معه وتجرجره وتخليه خويها

وانها تقدر على كذا بكل سهوله
وانها بتنسيه شئ اسمه ديما او ريم

وهالموضوع بسيط جدا عليها وياما سحبت عيال من خوياتهم بدون طلب

مادري وش اقول لها
وش ارد عليها
طلبت منها وقت وبارد لها بعدين


سكرتها وجلست أفكر

حسيت ان خطتها وتفكيرها صعبه جدا
مهما كان بندر ذا مو أي شخص عادي
صح اني ندمت على اللي سويته
لكن مازلت احبه واعزه واغليه واموت فيه
وماودي احد ياخذه مني
مابغاه يحب احد غيري
ولا يعرف احد غيري
ابيه لي وحدي مثل ماكنا اول


وبنفس الوقت ابغا افتك منه لانه يقرب لي وبأتورط مع اهلي لو دامت علاقتنا
وراح انكشف عندهم
وبيدرون عني
وش بيكون حالي لاعرفوا ودروا ان بنتهم تغازل؟

تغازل؟؟؟؟؟؟؟؟؟؟؟؟؟؟؟؟ ياقويها هالكلمة في حقي
بس هاذي الحقيقه

انا اغازل بندر

ودي انتحر واموت ولا اسمعها
انا اغازل؟؟؟


توني ادري عن نفسي!!!!
كنت احسبه شئ عادي
ليش ابليس مصغرها بنظري؟؟
ليه كنت احسبه شئ عادي وسهل ومافيه خطا وضرر


تعبت نفسيتي
قلق
حيرة
خوف
حتى جسديا تعبت
ماشتهي اكل ولا احب اقعد مع اهلي
ولا احب اسولف
ودي بس استلقي على سريري وانام
كرهت كل شئ بحياتي
حتى نفسي كرهتها



( رغد) بعيده عني ولاهيه بالنت والشات ولاعطت موضوعي أي اهتمام ابد وماكان اختها اللي متورطه

صاروا اصدقاء النت حقينها اغلى مني يمكن



( أفراح) من عقب مادرت عن سالفة الجوال اللي عطانيه بندر وهي متغيره علي مره مره ولا تدري اصلا عن أي تغير وتطور بيني وبين بندر


ومابغا اكلمها واعلمها لاني اكيد بتقولي تستاهلين
حقك وماجاك
ياما حذرتني ومانتبهت لها
ولا عطيت نصايحها بال



مادري شاسوي!!!!



حالتي حاله ومايعلم بها الا الله


محتاجه لحضن ابكي فيه
محتاجه ادفا وافضفض عن اللي بخاطري

اروح لامي اصارحها اعلمها اعترف له



وارتاح....

تعبت انا وادور الراحه

هالشئ صعب ولايمكن اسويه
اجل وش الدبره ياربي؟؟؟


لا أفراح لا رغد لاأمي
من اقول له اجل؟!

كتبت الحرف لاجل انسى هموم البارحه واليـــــــوم

........ لقيت الهم في حرفي تربـــــــــــع يوم خطيــــــته




بندر ماكلمته لي اسبوع
ولا اقدر اكلمه
حتى الجوال ماشفته ولاادري فيه اتصالات او رسايل منه اولا
رحت اشوفه



يالله وش ذا الأرقام العجيبه؟؟؟؟!!!!!
76 مكالمات لم يرد عليها.........!!
و20 رساله وارده.......!
وكلها من بندر

لها الدرجه مهمه عنده؟؟
قريت رسايله وكلها يسال عني؟ وويني فيه؟ ووش فيني؟
وانه مشتاق لي وخايف علي
وحده من رسايله كاتب فيها

( ديما ال..... ..) حبيبة وزوجة (بندر ال.......)


وش قصده بكلمة حبيبة وزوجة؟؟

لايكون جاد بعد
او يمزح
او ...... او........
احترت من رسالته هاذي مره

كملت قراءة رسايله كلها
ومع كلامه فيها وشوقه حسيت بشوق غريب له ووله مو عادي
دقيت عليه وكلمته
تفاجأ باتصالي وفرح مره مره
ويحيي ويرحب فيني
ويسالني ويني عنه هالفتره
ليه ماسال عنه وليه ماتصل عليه وحتى ليه مارد عليه؟؟؟

احرجتني اسئلته


وقلت ان امي تعبانه شوي وانشغلت معاها


عذرني
وقام يسولف

الغريب في كلامه ماصار يناديني (ريمي) لا صار يقول ديما

ماطولت معاه مره

وعدته اتصل باليل واسهر معاه

وانا حقيقه مابغا اتصل لاني ودي اتركه تدريجيا
بس مارضى يسكرها الا بوعد مني اتصل عليه باليل


مامنه فكه هالبندر

مادري وش اسوي معاه

وش الحل
وش الطريقه اللي اترك بندر ..؟


جاء الليل وكلمت بندر ويسولف ويسالني عن استعدادي لثالث
ويذكرني ان الدراسه مابقى عليها الا اسبوعين ولازم اجتهد واذاكر عشان انجح واجيب نسبة حلوه وارفع راسه
وبعدها يكلم اهله ويخطبوني له


مادري هالولد صادق صاحي
او يلعب علي ويمنيني؟؟
عادي عنده يتزوج وحده كانت تكلمه وبينهم علاقة من قبل العرس؟؟
شئ غريب...
دنيا عجيبه..




مشت هالاسبوعين بسرعه
وكلها تفكير وخوف وقلق وحيره وادور حل اترك فيه بندر


مالقيت الا فكرة صديقتي( مي) ومحتاره اسويها بس وافتك منه او لا؟
اتنظر واشوف وش اخرتها معه!!
يمكنه صادق انه يفكر يخطبني ويتزوجني ليه لا؟؟؟
والله ماراح القى واحد احسن منه دراسته حلوه وباقي شوي ويتخرج و
اهله معروفين وقرايبنا..
صح ان علاقتنا معاهم مو مره وبينا وبينهم حزازيات
لكن ماعتقد انها سبب ان اهلي يرفضونه ,,,,


افكار توديني وتجيبني
اسمع بالصراع الفكري والعقلي ولا ادري وش معناه
وبعد هالسالفه عرفت اني اعيش فترة صراع


لما بدت الدراسة صرت اشوف ( مي ) كل صبح واغثها بسالفتي انا وبندر
ولاحظت اني متردده ابيه واحبه ولكن مابغا علاقتنا تطول اكثر من كذا



وقالت لي ياتوافقين على فكرتي وانفذها لك
او فكيني منك انتي وسواليفك عنه غثيتيني

قلت لها: ( مي)
تدرين بس
شورك وهداية الله..
سوي اللي تبينه
انا خبله ومصدقه انه يبغا يتزوج وحده تغازله وهي بنت
وخانت اهلها
اكيد بتخونه بعدين
صدق اني غبيه يوم بس فكرت انه ممكن يكون صادق معاي

خذي راحتك بس اهم شئ تخلصيني منه
ابغاه ينسى شئ اسمه ( ديــــمـــا )


صح اني مازلت احبه واغليه
لكن مابغى اتورط معاه

تكفين فكيني منه

قالت طيب وش المقابل؟؟

قلت ايش؟؟


وشلون مقابل؟؟


قالت يعني افكك منه كذا مجانا؟؟؟
حبيبتي مايخدم بخيل

.








7
7

7

7


يتبــــــــع