قصة استمتعت بقراتها بعنوان ** قولي احبك **

].•´¯`•.•• (الحلقة التــــــــاسعــــة عشـــر) ••.•´¯`•



انا انصدمت من كلامه

مصدقه اني احبك؟؟؟
انا اتسلى فيك وانتظر متى تجي امتحانتك النهائيه عشان اوريك المفاجأة الحلوه اللي مسويها لك
ياحبيبة احمد الحجازي ههههههههه

يالله ياديما ال.........
انتظري وش المفاجاه في اول يوم من امتحاناتك

باااااااااااي واجتهدي زين ياحيوانتي..


انا: ســـــــــــــــــــــــــــاكــــــــــــــــــــــــتــــــــه



وسكر السماعه بوجهي.....




رميت الجوال


واروح اغسل وجهي بالمويه والصابون
مادري انا بحلم ولا بعلم
مادري ويني فيه مادري وش صار علي....


ماتعودت احد يهزئني ويقولي ياحيوانه؟؟؟


هذا بندر يقولي كذا؟؟

انفجعت فيه؟؟ وباسلوبه وبكلامه وبأهانته

رميت نفسي على سريري

ودي ابكي لكن ماقدر
فيني حالة ذهول عجيبه

ابغا انفس عن قلبي وابكي وأصيح

ماقدر بس ساكته
وفي اذني تردد كلمته انتظري المفاجاه في اول يوم امتحانات
وكلمته يا حيوانتي...

غفت عيني وماصحيت الا اذان العشاء
واقوم والجوال بجنبي
وارجعه مكانه واروح لرغد واخبرها..


وهي بكل برود تقول طبيعي بيقول لك كذا و( مي) قايله عنك هالكلام وانك خنتيه عاااااادي جدا

حتى هالكلمة قليله..

بس وش قصده بالمفاجأه الله واعلم.


راح الخميس وانا ماراجعت شئ كل مافتحت الكتاب تذكرت كلمته وافكر فيها


في يوم الجمعه

كنت قايمه من الساعه10 اراجع دروسي

وبعد صلاة الظهررجع ابوي واخواني من المسجد

واشوف بيد ابوي ظرف كانه بطاقة دعوه لزواج
فتحها ابوي وقام يقراه
وشكلها رساله

قلت له هاه يبه من بطاقته
مشاء الله مامدى العطله تجي عشان يعزمون

ابوي ساكت ولا كلمه




قراها ونادى امي وراحوا لغرفتهم...


قلبي يقول في هالورقه شئ

ابوي وجهه مو طبيعي لما قراها...


وافكر وش فيها هالورقه
الله يستر...


جاء في بالي انها تكون المفاجاه اللي قالها ( بندر)

بس وش بيكتب وش بيقول؟؟؟

نزلت امي وحضرت الغداء
وامي فيها شئ

مادري صدق فيهم شئ او انا موسوسه ولانه خايفه من المفاجاه صرت اشك بكل تصرف...




تغدينا سوا
واحنا بالغدا جاء لجوال ابوي رساله
طبعا ماندري وش فيها..

ابوي استغرب رساله بدون رقم
عطاها اخوي وقراها بصوت عالي




**********

( وصلتك الرساله ياأبوناصر)؟؟

Resalh.com-المرسل

*********

قال اخوي: يبه هالرساله من الانترنت مو من جوال عشان كا مافيها رقم..

قال ابوي: اها زين..

انا عرفت وتاكدت وايقنت انها من بندر


لان بندر دايم يرسلي رسايل مصوره من هالموقع


ماقدرت اكمل الغدا



قلقااااااااااااااااااااااانه وخايفه مادري وش قصده بالرساله


لايكون الورقه اللي مع ابوي منه

وش كاتب فيها...؟

ياربيه؟؟



الله يستر



وانا ماقدرت اذاكر احس الدعوه فيها بلى

فيها شئ..


الحركه في بيتنا مو طبيعية

يارب تستر علي.. رقيت غرفتي اذاكر

المغرب دخل عل ابوي
ومعاه الورقه وقال اقريها


اخذت الورقه واقرا
واسكت
وكل كلمه اقراها اسكت بعدها

ماقدر اكمل


فضحني الله يفضحه

فجعني الله يفجعه


رجليني تنفض
وجسمي يرتعش

احس بالموت

والله باموت

ماقدرت اكمل

وابوي ساااااااكت

خلاص لساني تلعثم
ماعرفت اقرا

قلت لابوي.. وش هالرساله يبه؟؟

من اللي كاتبها

قال: مادري جيت من صلاة الجمعه ولقيتها عند الباب
ولاأدري من اللي مرسلها

وش رايك بالمكتوب؟؟

رميت على ابوي الورقه

وماقدرت اتكلم....

انطرمت مادري وش صار فيني
كلمه ماتكلمتها

طلع ابوي من الغرفه وقال انتبهي بس لاختباراتك
ترا هالورقه ماهمتني ابد

وهذا انسان تافه يبغا يشوه سمعتك ويشككني فيك ولو يصير ماصار

بنتي وانا ادرى الناس بها...


وسكر الباب وراح



واصيح دم مو دمع

فضحني الله يفضحه دنيا واخره

كتب كلام مو فيني ولا عمري سويته

لو قلت لكم هالكلام قطعت قلوبكم مثل ماتقطع قلبي المسكين..




دخلت ( رغد) وشافت حالتي حاله

قالت : ديما البيت تحت مختبص ابوي تجيه رسايل بجواله كلها سب فيك وفيني

الحقير.. بندروه..

كاتب اتق الله يابو ناصر في بناتك وراقبهم
ترا هم امانه في رقبتك...

ورساله ثانيه بناتك راعيت غزل وطلعات

ورسايل يحذفها ابوي قبل مايقراها علينا وكل من النت
عشان ماحد يعرف اسمه

قلت لها الله ياخذه ماكفته الورقه بعد رسايل

واعلمها السالفه ووش كاتب

قامت تدعي عليه من قلب

الساعه عشر ونصف واحنا مافتحنا كتبنا من المغرب

وتعبانين جسميا وعقليا وفكريا وقلبيا
رحنا ننام
وانا ماجاني نوم من الهم والغم والتفكير



مادري وش اسوي ابغا حل وطريقه

ادق على(مي) بس اخاف تورطني

لالا


حسيت اني محتاجه لـــ ( أفراح)
صح ان علاقتي فيها خفت ومو مثل اول من درت اني اكلم (بندروه) بالجوال


بس هي الوحيده اللي ارتاح لها وهي صديقتي وحبيبتي واقرب انسانه لي
هي اللي بتفرج لي واعرف قلبها كبير وبتوقف معاي حتى لو اني غلطت عليها في يوم وما سمعت كلامها...

نزلت تحت و
اخذت التليفون باتصل وترددت خفت انها تهزئني وماتعطيني وجه
خفت انها تقول احسن خليه ينفعك
ماقلت لك انهم ذئاب بشريه ومهما كان ومهما راح بيكون في يوم من الايام خاين؟؟؟


نزلت التليفون..

وقلت: باتصل بس و بالطقاق تهزئني لين تقول اااااامين
خلاص انا استاهل كل شئ..

وتمر امي وتشوفني عند التليفون
وتسالني وش اسوي ومن ادق عليه بهالوقت؟؟

قلت بادق على ( افراح) باخليها تجينا بكره لان الاحد امتحان انجليزي واحتاج لها تشرح لي..

قالت بسرعه وتوقف جنبي تنتظرني..

وانا في قلبي اقول يالله بدت امي تشك فيني...؟


رفعت التليفون وادق عليها وقلت بالطقاق تهزئني لين تقول اااااامين
خلاص انا استاهل كل شئ..

وترد علي اختها

قلت وين ( افراح)؟

قالت: بغرفتها فوق دقي على جوالها..

اخذت جوال امي وارسلت لها برساله.. طبعا تسكيته لامي

رحت لغرفتي وقفلت الباب وطلعت الجوال حق بندروه
وادق على جوال( افراح)
ولا ترد علي استغربت الرقم
ارسلت لها رساله وقلت انا ديما وهذا رقم الجوال اللي عطانيها بندر دقي علي ابغاك ضروري

وشوي وتدق

باكلمها ماقدرت

بكيييييييييييييييييت وانهرت وماقدرت اقول أي كلمه

هي تصارخ علي
تقولي خلاص بس ياديما قطعتي قلبي وش فيك ليه تبكين خايفه من الامتحان ماذاكرتي
فيكم شئ

وكل مابغيت انطق حرف اتذكر الورقه والكلام اللي كاتبه عني واتذكر وضع ابوي واخواني وامي وابكي

وحلفت ان ماسكت انها بتسكر السماعه
وتجينا

واعلمها عن سالفة الورقه واقولها وش كتب فيها
ماتوقعت ردة فعلها كذا

احتوتني ولا هزئتني ولاجرحتني حتى كلمة تستاهلين ماقالتها

هدتني مره

وقالت لايهمك هو ولا خرابيطه
تحسبين ابوك او اخوانك مصدقينه
عارفين انه كاب وماعنده سالفه
وانه حاقد عليكم
ويمكن يجي في بالهم انه وحده من صديقاتك حقدت عليك وسوت لك كذا

والله ثم والله ان ابوك ماراح يهتم واذكرك ياديما
اصلا لو كان صادق ماحط ورقه عند الباب
او ارسل من موقع انترنت

كان دق او ارسل من جوال باسمه

ان كان صادق وجاد
لاتهمتين فيه ولاتعطينه بال
هالتافه الحقير
اصلا هو ماحطها اليوم الا عشان يشغل بالك ولاتنتبهين لاختبارتك

اتركي تفكيرك وانتبهي بس لدراستك ولا عليك منه

[أخواني وأخواتي كانت ديما متوتره فتركت (أفراح ) تكمل عنهاا القصه]

الحين معكم

(أفــراح) :


*
*
*
*[/align]


[align=center].•´¯`•.•• (الحلقة العشرين) ••.•´¯`•


آآآه منك يالخاين .. يانذل ياحقير حتى الخيانه ماتوصل للي سويته

قريبتك ومنك وفيك !! تسوي عليها رجااال؟؟؟؟؟؟؟؟؟؟؟


حتى لو خانتك المفروض تقابل الخيانه بالخيانه مو تفضحها وتكذب وتفتري على البنت

وتحوس حياتها؟...!!



آآآه منك ياللي ماتستاااهل ديمااااااا.. ولا تستااااهل أي بنـــــــــــت


حسبي الله علييييييييك حسبي الله علييييييييييك حسبي الله علييييييييييييك

الله لا يهنيك ولا يوفقك ولااااااااااااا يسااااااااااااامحك


جعلك المووووووووت اللي ياخذك ويفكناااااااا منك

الله يجازيك عاجل مو آآآآآجل
تشوووووفها في خووواتك ياااااارب

يااارب أنك تعاقبه وتخلينا نشوفه كسير حسييييييييييير ياااااااااللله


يارب مثل ماكانت ديما ضحيته هالسنه تصير الضحيه اخته السنه الجاااااااااااااايه


وتحر قلبه زي ماحر قلوبنا على ديماااا

لا لا يااااارب

استغفر الله .. وش سوت اخته؟؟؟؟؟؟ فينا عشاااان ادعي عليهااااا


يااارب أنك تعاقبه هو وتقهره وتذله




آآآآآآآآآآه من يشرب دمك يالظـــــــالم يالخاااااااااااين


8
8
8
8

كان هذا دعائي كل ماتذكرته وتذكرت فعايله ..

الله لايوفقه اللي عطته قلبهاااا وحياتها وعمرهاااا وهو مايستاااهل
والله اني عارفه ذا الشيء مو غريب عليه ولا على العياااال

بس وش اسوي بديمووووه


ياما نصحتها وحذرتها منه والله يهديها ماكنت تسمع نصايحي



خلااااااااااص ماينفع شيء


اللحين بس ياااربي ودي اسوي شيء ودي
اوقف معاها المسكينه الكل عليهاااا وانا اقرب وحده لها وإذا ماوقفت معها اللحين ؟؟ مت بوقف؟؟


بس والله أنها ماتستاااهل

إني اوقف معاها وهي اللي تخلت عني وعن صداقتي عشاااانه


ياااااااااارب والله اني محتاااااااااااااره أوقف معاها او لاااااااااا؟؟؟؟؟؟!!

بس كيف بأوقف والوضع صعب و وشلون افكها منه

وشلووووووون؟؟ أكلمه!! وأهاااوشه؟!!


لا .. لا ماااراح يقدم ولا يأخر ..إلا بيتطنز علي وبيصرخ في وجهي

ويمكن يسكر السماعه !!


يعني بأفشل نفسي وبس.

لا والله مو افراااح اللي يفشلها ( هالكلب)؟؟

لا والله مو كلب لأن الكلب اشرف منه ويعرف الوفا

أجل وشهو .. ايه بندر الزفت
أي والله مثل الزفت (( الزفت=الإسفلت ))


إلا ليييييييه مااعلم ابوي بالسااالفه كلها بس وش اقوووووله
وش اقص علييييييييه؟؟؟؟؟؟!!!


أقوووله ديما تكلم!!!!!!!!
ديما خوية بندر ولد ....؟؟؟!!

وأنه هو اللي تزاعل معاها وراح فضحهااااااااااا..؟؟؟؟

وابوي ماعنده خبر بالسااالفه .. اروح افضحهاااا!!

لا ... والله ماأقوله ..مجنونه أنا؟؟؟ وش بيقول ابوي ؟؟
بيعلم اهلها وبيضربونها لا لا لا



لا بعد أخاف يرتفع الضغط عند ابوي ويصير فيه شيء بسببي


لا لا من جد انا متهوره

طيب


يااارب شسوي ابغا اساعدها ..؟؟

حرااام اتركها كذا .؟؟ والله حراااااااام اكييييييييييييد انه ماااراح يسكت ..
على ذا الشيء بس .. أخاف بكره ولا بعده يخلي اخواته يصورنها وهي بالعزيمه او المدرسه ويحط صورتها بالنت

والله مو غريبه علييييييييييه هالحركه

لا لا اشوى جوال الكاميرا ممنوع


بس مهما كان لازم اساعدها وافكها منه ..

ااااااااااااايه مافيه إلا هند هي اختي الكبيره والمتفاهمه

اكييييييييد اني إذا علمتها القصه بتساعدنا هي عندها خبره بالحياه

اكيييييييد بتعلمنا وش نسوي .. وبتوقف معانا..


لا والله في الحلم توقف معانا إلا بتهاوشنا وتشتمنا

ايه معليش تهاوشنا شوي ثم توقف معانا

احنا صغار ومانعرف شيء في الحياه والحياه تجاااارب

لا لا
هند اكيد بتعلم امي وامي بتعلم خالتي

الحريم ماينقال لهم سر



أجل وش اسووووووووووي ...؟؟؟؟؟

مالي إلا أدعي الله أنه يبعده عنا .. ويفكنا من شره



ومن قلب محترق مظلووووم
رفعت يدي وسألته بأسمائه الحسنى
ياااااااارب
يااااااااارب يامجيب الساااااااائل ويااافااارج الهم ويامحيي الخلق بعد المووووووت
اسألك يالله انك تفرج الهم والغم وتفكنا منه ...


وأنا أدعي طرا في باااااااااااااالي

ليه ماأعلم

أخوي الكبير عبدالرحمن

هو اقرب واحد لي من اخواني وهو اللي متفاهم ومتعاون
مع الكل

واكييييييييييد بيوقف معناااا

يالله يااااأفراااح

اتكلي على الله وقولي له بكل شيء
هو رجاااال وبيعرف كيف يتصررررررف


لا لا أنا مجنونه
اكييييد بيهاوشني ويمكن يضربني


معليش والله اني استاهل اني اتهاوش وانضرب بس اهم شيء نفتك منه


بس اخاااف ياخذ مني الجوووال ويمنعني من النت

والكمبيوتر إلا بيكسره فوووق راسي

وأنا عاد مااستغني عن ذ ولاااا!!


لالا أن شاء الله مو مأخذ جوالي أكييييييد بيراقبه شهر وبيعطينياه


بس اكييييييد بيمنعني من النت .. لاأنه راس البلى

عاد هو يكرهه من زماان وش لون عاد اللحين !!وماوافق عليه إلا عشااان دراستي تتطلب هالشيء
بالطقاق خله يمنعني منه سنه وشوي واتخرج


أي والله مافيه إلا عبدالرحمن

يالله بس خلني اشوووف وقت

مناسب واعلمه

جلست ثلاث ايام وانا افكر
كيف بأقوله وشلون


إلى ماجاء ذاك اليوم واشوفه جاااي لناااا هو وزوجته

واناديه


قلت: ابغاااك في موضوع مهم

قال: وشو؟

قلت: مايصلح اللحين إذا جيت لحالك اقولك

قال: خلااااص . بكرة بعد صلاة الجمعه اجييييك وعلميني



مرت الساعات بسرعه
وكانت بالنسبة لي اسرع من البرق

جت الساعه وحده ونصف وانا بغرفتي
خلصت من الصلاة

وبقيت في سجاتي أدعي ربي أنه يسهل علي المهمه وانه يكتب لي الخير فيهاااا

وإذا بأخوي يدق الباااب ويستأذن بالدخووول

فتحت له الباب وحييته

وعلى طووول دخل بالموضوع
هاه افرااااح وش الموضوع؟؟ اللي بغيتيني فيه؟؟؟؟

جيت بنطق ماقدرت لساااني صابه شلل ما يقدر يطلع الحروف سليمه وماغير اعيد (( ودي اقولك بقصه ))
يمكن عدتها اكثر من مرررره

وهو يناظرني ويقول
وش القصه قووولي.. وش فييييييك ماخبرتك كذا .. وين جراءتك؟؟


كل الاستعدادات والتجهيزات والمقدمااات اللي حاطتها في بالي رااااحت

عقلي فضى


لا لا تلومووووووني الموقف كان صعب جدا جدا

كل واحد يحط نفسه بموقفي..؟؟


عبدالرحمن حس ان الموضوع فيه شيء وإلا ما كان صرت كذا..
قال لي . توكلي على الله وقولي اللي عندك .

شفيك كأنك خايفه مني

ابتسمت

وقلت تبي الصدق أي والله اني خايفه منك

ضحـك وقال آآآآآفاااا تخافين من اخــوك

قلت اخااف تعصبين وتنقهر مني وتضربني

ضحك وبقووووه وقال يابعدي انا ماعمري قد ضربتك عشان اضربك اللحين ويعل يديني الكسر إن مديتها على اختي

قلت أحلف أنك ماراح تضربني

تغير وجه وناظرني بنظرة استغراب

قال ان كان تستاهلين الضرب بضربك

قلت ايه والله استاهله

قال الحمدلله عقالي فوق راسي . وش تبين اضربك مقدم قبل الموضوع او بعده او أقسلط
قلت اقساط


ضحك وقال عجليني يابنت الناس ترا بسافر الساعه 8 المساء وانا باقي لي اغراض مابعد جهزتها (( أخوي ضابط مو بمنطقتنا))


قلت أن ديما ...... وماادري وش اللي صار لي

وعلمته بالقصه كااااااامله من الألف لسلام عليكم

وهو ســـــــــــــاكت ولا تكلم ولا كلمة


وأنا مسترسله بالكلام

قاطعني..
قال افراحوووووه ترا أن كان قصدك من هالخرابيط أنك بتشوفين رده فعلي وأنك بتقولين صااادوه ياااااااااااويلك

قلت وش صادوه وش هالخرابيط انا جاااده والله إني جااده أكلمك صدق

قال صدق صدق احلفي
حلفت له

حسيت انه مو في وضعه الطبيعي
قلت له خلااااص خلااااص ماابغا اكمل شكلك تعبان
صرخ بوجهي وقال كملي بسرعه وعيدي

علمته اني نصحتها مليون مره واني زاعلتها وتركتها
وبديت اقص عليه من الاول واعيد وقلت له ان ريما تعرفت عليه من النت على واحد اسمه بندر وطلع بندر ال.. وانها كلمته و و..

أخوي ماادري أنجن او صاب عقله شيء . ماغير يلعن النت والكمبيوتر والجوالات واللي صنعوهم واللي وردوهم واللي استخدموهم

والله يلعن بندر الملعون والله اني من شفته مع اخوي حسام وانا كاارهه هالوسخ اصلا ماخرب اخوي حسام إلا هو وشلته التعبااااانه وبعد يلعب على البنات الخكري
وصلت الدناءه انه يعب على بنت عمي مااسكت له وربي مااخليه في حاله

انا ماني ولد ابوي أن ماخليته يعرف من هم الـ....

آآآه من يقتله ويطعن صدره بخنجر يخليه يعرف ربه
انهبلت انا وش تقوول؟؟ تقتله انت مجنون ؟؟
انت صاحي؟؟
ليتني ماعلمتك السالفه الله ياخذني قبل مااقولها لك

قال اجل الكلب بيهددها بهالرسايل عشان تطلع معه الله يلعنه ويلعن ابو ابوه
إلا افراح احلفي انها ماقد طلعت معه

قلت والله انها ماقد طلعت معه
قال ماتدرين يمكن طلعت وماعلمتك

قلت هي ماتخبي علي

قال ايييييه مدامها تركتك عشانه تبينها تعلمك ؟؟!!!

والله اني حاس ان علاقتكم مو زي أول
تذكرين يوم اسألك ليش مايروحون معانا لمكه برمضان زي العاده
قلتي احسن مانبيهم خلينا ناخذ راحتنا
وقلت لك غريبه متزاعلين
وقلتي لا لا
والله اني حاس ان فيكم شيء اصلا انتي ماتسافرين معنا دايم معهم وفجأه ماتبينهم!!

بس والله يحق لك ماتبينهم هالوسخه ياحسافة التربيه عليها

صرخت في وجهه بلا شعور عبدالرحمن احترم نفسك
المسكينه لعب عليها

قال تستاااهل اللي خانت ابوها واهلها وثقتهم فيها عشان واحد غريب وماتعرفه تستاهل اللي جاها

صرخت بوجهه مره ثانية لا لا الله يخليك لا تقول كذا ارجوك ارجوووك
وبكيت قدامه
افراااح تبكين عشانها انا كل اللي قلته صدق

قلت عبدالرحمن لا تخليني اندم اني قلت لك

قال وش تبيني اسوي وش تبيني اقول اصفق لها واقووول برافوااا عليها بنت عمي اللي تغازل ولد ال.... وتحبه وتموووت فيه واخر شي لعب بعقلها وقال بتزوجك وبتصيرين زوجتي ويوم تعرف على بنت جديده تركها وفضحها

قلت خلاااااااااااص خلااااااااص ليتني ماعلمتك ليتني ماقلت لك وليتني ماستنجدت فيك
ولا طلبت عونك
وبكيييييييت وبكييييييييييت وهو ســـــــــــاكت


وقف قدامي




وقال افرااح لا تحسبين ديما رخصيه عندي ترا مااعدها إلا اختي
هي بنت خالتي وبنت عمي يعني من لحمي ودمي
وانا ماقلت لك هالكلام إلا من حر مافي قلبي ومن القهر والغيظ

افراااح ان كنتي تغليني وتحبيني لا تبكين عشانها وانسيها
وابعدي عنها خلااااص لا تخلينها صديقتك
هاذي مو فخر لك انك تصادقينها

ناظرته وانا ساااااااكته وفي قلبي إني اقول اطلع برااااا من الغرفه
ماابيك ولا ابغا مساعدتك رح عني بس وفكني من نصايحك

قال مع السلامه افراح

ومشى باتجاه الباب رجع وناظرني


قال: تعرفين رقمه؟؟!!

قلت رقم مين؟

قال الزفت بندر

قلت لا يمكن رقم بيتهم بالدليل حقنا
قال قومي جيبيه

دورته ومالقيته اتصلت على ديما

وقلت ابغا رقم بندر

قالت: ليييييييه؟

قلت عطيني واعلمك بعدين
عطتني جواله وعطيته عبدالرحمن



كان اخوي يدق علي يومياً

ويسألني وش صااار

واعلمه انه دق عليهم من كبينه اليوم
وانه ارسل من النت
بنتكم بكره بتقابل خويها في الطلعه بنتكم . بنتكم....

مر الاسبوووع بسرعه وجاء الاربعاء وجاء عبدالرحمن من السفر كلمني على جنب
وقال : خذي جوالي وعطيني جوالك
استغربت مررره
وبعد صلاة العشاء

قال افراااح بدلي الشرايح


قلت كيف

قال خلي شريحتي بجهازك وشريحتك بجهازي

قلت ليش
قال جهازي مايرسل عربي وانا ابي ارسل عربي

ضحك انا وقلت من بترسل له بالعربي وانا اغمز له اقصد زوجته

قال لا لا برسل لزفت بندر وانا ادق عليه من جوالي مايرد وابغا ارسل له
و زوجتي ماابغا اخذ جهازها لانها تحتاجه كثير


بدلنا الشرايح وعطيته جهازي لمده اسبوع وشوي


اتصلت علي ديما
وقالت ابشرك ياافراااح امس واليوم ماجانا شيء

ضحكت وقلت اكيييييد مثل قبل اسبوعين سكت فجأه وبعدين جاء بقنبله

قالت الله يستر لا تخوفيني

جاء الاربعاء وجاء عبدالرحمن قال وش صاار.؟.
قلت له اسبوع ماجهم شيء
ضحك هو

قلت وش فيك لا تكون ذبحته

ضحك بقوووة وقال ان شاء الله بس قريبا
بعد كم سنه إليــــــن ماينسى الموضوع ويحسب انا مثله نسيت هذاك الوقت اذكره
وش معنى اللي سواه في بنت عمي
قلت له طيب اللحين هو غريبه معاد يرسل

قال الله اعلم عطيني جوالي

عطيته الجوال وكلمت ديما واعلمها حاولنا نفكر وش سوا وش صار وش ووو؟؟

(( حنا مثلكم ماندري وش صاااار))



بعد فترة كنت برسل رساله لاختي رساله ماادري هي وصلت او لا

رحت اشوف الرسائل المرسله
واشوف كم رساله لرقم غريب

قريتهم واندهشت
وعرفت ان عبدالرحمن كان يرسل بندر هالرسائل وماحذفهم لانه مايدري ان بجوالي (خدمه الرسائل المرسله))

أول رساله كانت
ليـــــــــه ماترد

الثانيه ~~~ أن لي عندك حقـــــــا لن أنساااااااه~~~~

مشكورة اختي واجـــــــــــــــــد على

هذه القصص ولا تحرمينا من جديدش

الأدارة wrote: